348 Acta Apostolicae Sedis - Commentarium Officiale

ex Libro Sapientiae (cfr 11, 23; 12, 2.15-18): cum Dei laudatur moderatio

ut locus paenitentiae detur, tum eius potestas extollitur quae manifestatur

cum Ille misericorditer agit. Patientia Dei est exercita misericordia erga

peccatorem atque authenticam demonstrat eius auctoritatem.

92. Cum quis patiens est haud vult ut diuturne vexetur, vel vapulet, vel

sicut res tractetur. Res in medium vocatur cum poscimus ut amoenae sint

necessitudines vel personae sint perfectae, vel cum nos medium ipsi obti-

nemus locum et exspectamus ut nostra tantum fiat voluntas. Tunc autem

omnia nos conturbant, omnia nos impellunt pugnaciter ad agendum. Patien-

tiam nisi colimus, semper aliquid causamur irati responsuri, et tandem illi

erimus qui convivere nesciunt, societatem aversantur, implusiones temperare

non valent, atque familia in locum convertetur certaminis. Quam ob rem

Verbum Domini nos adhortatur: « Omnis amaritudo et ira et indignatio et

clamor et blasphemia tollatur a vobis cum omni malitia » ( Eph 4, 31). Haec

patientia robustior fit cum agnosco alii etiam ius esse in hac terra mecum

vivendi, sicut ipse est. Nihil interest sitne mihi taedium, mutetne mea pro-

posita, sitne mihi suo agendi modo vel suis cogitationibus molestum, sitne

in omnibus sicut exspectabam. Amor semper secum fert sensum profundae

compassionis, quae ducit ad alium accipiendum veluti huius mundi partem,

etiamsi aliter se gereret ac desideravissem.

Benignitatis habitus

93. Vocabulum chresteuetai sequitur, quod unum est in omnibus Sacris

Scripturis, quodque commemorat chrestos (persona scilicet bona, quae suam

demonstrat in agendo bonitatem). Tamen, loco considerato in quo invenitur,

arte videlicet cum praecedenti verbo coniuncto, istius fit complementum.

Hoc modo Paulus planum facere cupit "benignitatem", in primo loco allatam,

non esse in universum habitum passivum, sed operositate cumulari, impulsu

videlicet alacri fecundoque in alios. Indicat amorem qui bonum aliis facit

eosque promovet. Quam ob rem convertitur ut "benignus".

94. Toto hoc textu intellegitur Paulum confirmare velle amorem non

esse solam animi affectionem sed consideranda est notio vocabuli "amare"

quod Hebraico sermone significat "bonum facere". Sicut sanctus Ignatius

de Loyola dicebat, « amor ipse ab operibus magis, quam a verbis pendet ».106

106 Exercitia spiritualia, Contemplatio ad amorem spiritualem in nobis excitandum, 230.