444 Acta Apostolicae Sedis - Commentarium Officiale

gignant et curent. En causa cur familia « fuerit "valetudinarium" usque proxi-

mum ».384 Alteri alteros cura afficiamus, foveamus et concitemus invicem

atque haec omnia vivamus tamquam spiritalitatis nostrae familiaris partem.

Coniugum vita participatio est fecundae operae Dei atque quisque pro ali-

is perpetua est provocatio Spiritus. Amor Dei enuntiatur « verbis vivis et

concretis, quibus vir et mulier inter se coniugalem permutant amorem ».385

Uterque ita est in vicem divini amoris imago, qui verbo, conspectu, auxilio,

blanditiis et amplexu consolatur. Proinde, « familiam velle constituere est

audere somnium Dei communicare, audere cum Eo somniare, audere cum

Eo aedificare, audere cum Eo historiam hanc in discrimen committere et

mundum conciliare, ubi nemo se relictum percipiat ».386

322. Universa vita familiae misericors est "pabulum". Quisque diligenter

effingit atque inscribit in vita alterius: « Epistula nostra vos estis, scripta

in cordibus nostris […] non atramento, sed Spiritu Dei vivi » ( 2Cor 3, 2-3)

Quisque « homines capiens » ( Lc 5, 10) est, qui in nomine Iesu laxat retia in

alios (cfr Lc 5, 5) vel agricola qui mollem glaebam commovet, suos scilicet

necessarios, optima eorum concitans. Fecunditas matrimonialis incremen-

tum postulat, quia « amare aliquem obscurum quiddam et inopinabile ab

eodem est sperare; simulque eidem instrumenta ad hanc spem respondentia

quodammodo est porrigere ».387 Hic utique cultus est Deo tributus, cum bona

multa Ipse in aliis severit, confisus nos eadem augere.

323. Altus spiritalis est usus carum quemque oculis Dei contemplari

atque in eo Christum agnoscere. Hoc promptam petit mentem ac gratuitam,

quae in dignitate eiusdem adiuvet intellegenda. Omnino coram altero possu-

mus consistere, si modo nosmetipsos gratuito condonamus, circumstantium

omnium obliti. Proinde, amatus omnem emeretur considerationem. Iesus

exemplar erat, quia accurrentem quemque, ut Eum adloqueretur, intuitus

diligebat (cfr Mc 10, 21). Nemo in conspectu Eius se putabat neglectum,

quandoquidem verba eius et gestus hanc interrogationem prae se ferebant:

« Quid vis tibi faciam? » ( Mc 10, 51). Hoc experimur in cotidianis familiae

negotiis. In qua recordamur nobiscum viventem quemque omnia emerere,

384 Catechesis (10 Iunii 2015): L'Osservatore Romano (11 iunii 2015), p. 8. 385 ioannES pauluS II, Adhort. Ap. Familiaris consortio (22 Novembris 1981), 12: AAS 74 (1982), 93. 386 Allocutio ad participes festi familiae dicati necnon vigiliae praecationis apud ambulacrum

v. « B. Franklyn Parkway », Philadelphiae (26 Septembris 2015): L'Osservatore Romano, 28-29 Septembris 2015, p. 6.

387 gaBriEl marcEl, Homo viator. Prolégomènes à une métaphysique de l'espérance, Paris 1944, 63.