502 Acta Apostolicae Sedis - Commentarium Officiale

NEAPOLITANA

Canonizationis Beati Ludovici a Casaurea (in saeculo: Archangeli Palmentieri) Sacerdotis Professi Ordinis Fratrum Minorum Fundatoris Congregationis Sororum

Franciscalium a Sancta Elisabetha v.d. "Bigie" († 1814-1885)

DECRETUM SUPER MIRACULO

A modestis sed lectissimis parentibus christianis Casaureae, inter Neapoli-

tanae provinciae fines, die 11 mensis Martii anno 1814 ortus, Archangelus

Palmentieri in Fratrum Minorum Ordinem, religioso nomine sumpto Ludovico

a Casaurea, die 17 mensis Iunii anno 1832 est receptus. Die 4 mensis Iunii

anno 1837 presbyter est ordinatus. Anno 1847 ille, philosophiam docere ac dis-

ciplinas mathematicas desivit, ut pauperibus aegrisque operam plene navaret.

Socialibus temporis sui necessitatibus attentus, plurimas caritatis doctrinae-

que operas ad omnem derelictionis et paupertatis formam sublevandam instituit:

valetudinaria, gerontocomia, ephebea, scholas, brephotrophia, officinas typogra-

phicas, musicorum globos, montes pietatis. Anno 1871 pro surdis mutisque et

caecis Asisii hospitium condidit. Anno 1877 ecclesiam in honorem SS. Cordis

Iesu, quo sub titulo primam in Italia, Florentiae erexit. Eiusdem homines aeta-

tis « S. Franciscum saeculi XIX » eum vocarunt. Ipse vero, pauperibus caritatis

ministerium amplius atque validius effecturus, duas Tertii Franciscalis Ordinum

sodalium Congregationes, alteram Fratres a Caritate vel vulgo « Bigi », qui pro-

cedente tempore exstincti sunt, alteram Sorores a Sancta Elisabeth vel « Bigie »

nuncupatam, condidit. Pro certo habens « Africam esse Africae convertendam »,

Neapoli Afros adulescentes, quos in immensa eorum Continenti apostolos Christi

faceret, formavit. Die 30 mensis Martii anno 1885 in urbe Neapoli, apud Hospi-

tium Marinum, obiit. A Ioanne Paulo II, Summo Pontifice, inter Beatos caelites,

die 18 mensis Aprilis anno 1993, est adnumeratus.

Canonizationis respectu, Causae Postulatio huius iudicio Congregationis de

Causis Sanctorum aestimatam miram modo cuiusdam natae gravi genus dexteri

ingenita deformitate affectae sanationem, die 12 mensis Iunii anno 1994 in

oppido vulgo Durazzano, Beneventanae provinciae, occursam, subiecit. Quaedam

parvula nata die 1 mensis Iunii anno 1994, dextrum genu adeo incurvatum ha-

bebat, ut pes vultum aequaret. Peritus orthopedicus, qui infantem die 6 mensis

Iunii anno 1994 inspexit, corrigentem therapiam, gypso inducto, praescripsit

necnon ad deformitatem sanandam sectionis chirurgicae etiam necessitatem os-

tendit. Priusquam curatio quaelibet sit adhibita, parvulae avia, soror Franciscalis