370 Acta Apostolicae Sedis - Commentarium Officiale

eo acquiritur, quod « homo perseveranter et constanter discere debet quid

sit corpus »150. Sexualitas non est via ad gratificandum vel delectandum, cum

de sermone agatur inter personas in quo alter studiose consideratur, suo

cum sacro inviolabilique bono. Hoc modo « cor humanum particeps fit, ut

ita dicamus, alterius liberae voluntatis ».151 Intra haec erotismus manifesta-

tio apparet peculiariter humanae sexualitatis. In illo reperi potest « notio

sponsalis corporis atque authentica dignitas doni ».152 Suis in catechesibus

de theologia corporis humani, sanctus Ioannes Paulus II docuit corpore-

itatem sexuatam « fontem esse non solum fecunditatis et procreationis »,

verum etiam habere « facultatem amoris significandi: amoris videlicet in

quo homo persona donum fit ».153 Erotismus sanior, etiamsi cum voluptate

conquisita coniungitur, stuporem secum fert, et hanc ob rem impulsus potest

ad humanitatem redigere.

152. Itaque, nullo modo intellegere possumus indolem eroticam amoris

veluti malum permissum vel pondus suscipiendum pro familiae bono, sed

veluti donum Dei quod inter se convenientes coniuges exornat. Cum de

evecta agatur voluptate amoris qui alterius admiratur dignitatem, « plena et

clarissima amoris affirmatio » fit quae nobis demonstrat quorum stuporum

capax sit cor humanum, et hoc modo temporis puncto « vitam humanam

percipitur veluti bonum fuisse eventum ».154

Violentia ac fraudes

153. Bonis perspectis sexualitatis, opportunum videtur argumentum

adire integrum et sano cum rei intuitu. Enimvero ignorare non possumus

pluries sexualitatem personalitate privari et etiam morbis cumulari ita ut

« semper magis occasio fit et instrumentum ad proprium "ego" roborandum

atque satisfactionis ad suam utilitatem attinentis propriorum desideriorum

et instinctuum ».155 Hac aetate praesens est periculum ne etiam sexualitas

pernicioso spiritu illius "adhibe et eice" temperetur. Corpus alterius saepe

veluti quaedam tenenda res usurpatur usquedum nobis offerat satisfactionem

et spernenda, cum primum illecebris orbatur. Num ignorari possunt vel dis-

150 Ibid., 4. 151 Ibid., 5. 152 Ibid., 1: 1132. 153 Catechesis (16 Ianuarii 1980), 1: Insegnamenti III,1 (1980), 151. 154 JoSEf piEpEr, Über die Liebe, München 2014, 174. 155 ioannES pauluS ii, Litt. Enc. Evangelium vitae (25 Martii 1995), 23: AAS 87 (1995), 427.