Acta Francisci Pp. 1117

tores die XIV mensis Februarii anno MMXIII talem sanationem ad scientiam inexplicabilem agnoverunt. Die XI mensis Iulii anno MMXIII feliciter actus est Congressus Peculiaris Consultorum Theologorum, a quo haec sanatio verum miraculum iudicata est, cui iudicio consenserunt Patres Cardinales et Episcopi in Sessione Ordinaria die III mensis Decembris anno MMXIII ha- bita. Nos Ipsi facultatem fecimus ut Congregatio de Causis Sanctorum die IX mensis Decembris anno MMXIII Decretum evulgaret atque statuimus ut beatificationis ritus Comi die XX mensis Septembris anno MMXIV celebraretur.

Hodie igitur, in praedicta urbe, de mandato Nostro Venerabilis Frater Noster Angelus S.R.E. Cardinalis Amato, Praefectus Congregationis de Cau- sis Sanctorum, textum Litterarum Apostolicarum legit, quibus Nos Venera- bilem Servam Dei Ioannulam Franchi in Beatorum numerum adscribimus:

Nos, vota Fratris Nostri Didaci Coletti, Episcopi Comensis, necnon plurimorum aliorum Fratrum in Episcopatu multorumque christifidelium explentes, de Congregationis de Causis Sanctorum consulto, auctoritate Nostra Apostolica facultatem facimus ut Venerabilis Serva Dei Ioannula Franchi, Fundatrix Congregationis Sororum Hospitalarium a Maria Per- dolente, quae propter Christi Crucifixi amorem corporali spiritalique in- firmorum et morientium assistentiae penitus se dicavit, Beatae nomine in posterum appelletur, eiusque festum die vicesima tertia mensis Februarii, qua in caelum orta est, in locis et modis iure statutis quotannis celebrari possit. In nomine Patris et Filii et Spiritus Sancti.

Magni aestimantes novae Beatae amorem et humilem assiduumque mi- nisterium erga suos seniores parentes atque alios domi aegrotantes pauperes vel derelictos, hominibus nostrae aetatis exemplum eam commendamus.

Quae vero per has Litteras statuimus, ea firma sint in perpetuum, con- trariis quibuslibet non obstantibus.

Datum Romae, apud Sanctum Petrum, sub anulo Piscatoris, die XX men- sis Septembris, anno Domini MMXIV, Pontificatus Nostri secundo.

De mandato Summi Pontificis

petruS card. parolin

Secretarius Status

Loco G Plumbi In Secret. Status tab., n. 35.025