1110 Acta Apostolicae Sedis - Commentarium Officiale

III

Servis Dei Iosepho Xaverio Gorosterratzu et IV Sociis Presbyteris et uno lai- co, professis Congregationis Sanctissimi Redemptoris, Beatorum Martyrum honores decernuntur.

FRANCISCUS PP.

Ad perpetuam rei memoriam. - « Quemadmodum communicatis Christi passionibus, gaudete, ut et in revelatione gloriae eius gaudeatis exsultantes »

( 1 Pe 4, 13).

Communitas Congregationis Sanctissimi Redemptoris Conchae, in Hispa-

nia, passa est persecutionem religiosam, anno MCMXXXVI exortam, dum suum

apostolatum exercebat apud ecclesiam Sancti Philippi Neri. Nemo vero ex

illa communitate fuit qui apprehensionem arbitrariam effugerit vel, sciens

quod futurum esset, orare fefellit pro persecutoribus suis. Communitas sic

praebuit fulgidum testimonium ad fidem catholicam.

Nomina sex religiosorum qui martyrium subierunt:

1) Iosephus Xaverius Gorosterratzu Jaunarena, natus in Urroz, Navarrae,

in dioecesi Pampilonensi, die VII mensis Augusti anno MDCCCLXXVII. Ordina-

tus est sacerdos anno MCMIII. Magnae fuit eruditionis, confessor praeclarus,

sapiens moderator spiritus atque missionarius studiosus. Occisus est in coe-

meterio Conchae die X mensis Augusti anno MCMXXXVI.

2) Cyriacus Olarte Pérez de Mendiguren, primus martyr Conchae in

persecutione anni MCMXXXVI. Natus est in Gomecha, provinciae Alavae, dioe-

cesis Victoriensis, die VIII mensis Februarii anno MDCCCXCIII. Sacerdos est

ordinatus anno MCMXVII. Postquam missus erat in Mexicum, redivit patriam,

ubi martyrium subiit apud Virginis Angustiarum Conchae, die XXXI mensis

Iulii anno MCMXXXVI.

3) Iulianus Pozo y Ruiz de Samaniego, natus in Payueta, provinciae

Alavae, dioecesis Victoriensis, die VII mensis Ianuarii anno MCMIII. Sacerdos

ordinatus est anno MCMXXV. Phthisi laborans, morbum aequo animo amplec-

tus est et dedit sese orationi et confessionibus. Martyrium subiit in via quae

ex Concha in Tragacete extendit, die IX mensis Augustii anno MCMXXXVI.

4) Pater Michael Goñi Ariz, natus in vico Imarcoain Navarrae intra

fines dioecesis Pampilonensis die XXVII mensis Aprilis anno MCMII. Inde a