Acta Francisci Pp. 1111

pueritia vocationem ad sacerdotium percepit et, Congregationem Sanctissimi

Redemptoris ingressus, anno MCMXX vota emisit religiosa ac deinde die XXVII

mensis Septembris anno MCMXXV ordinatus est sacerdos. Licet infirma esset

valetudine et animo verecundo, validum et indefessum se praebuit praeconem

in missionibus ad populum. Die XXXI mensis Iulii anno MCMXXXVI ab armi-

geris seditiosis arreptus est et plumbis transfossus, una cum patre Cyriaco

Olarte Pérez multas horas spiritum trahens usque ad mortem derelictus.

5) Victorianus Calvus Lozano, natus in Horce, Guadalaiarae, archidioe-

cesis Toletanae, die XXIII mensis Decembris anno MDCCCXCVI. Anno MCMXX

fratrem se vovit Congregationis Sanctissimi Redemptoris. Multi consilium

spiritale ab hoc pio sacrista et ostiario quaerebant propter eius humilita-

tem et sapientiam. Martyrium subiit in coemeterio Conchae die X mensis

Augusti anno MCMXXXVI.

6) Petrus Romero Espejo, natus in Pancorbo, prope Burgum, die XXVIII

mensis Aprilis anno MDCCCLXXI. Sacerdos anno MDCCCXCVI ordinatus, multum

est aestimatus tamquam praedicator et confessarius. Persecutione religiosa

exorta, vixit tamquam mendicus in via ut suum apostolatum exercere posset.

Detentus deinde et tormentis cruciatus, mortuus est in carcere Conchae

die IV mensis Iulii anno MCMXXXVIII.

Fama martyrii horum Dei Servorum cito diffusa est inter fratres Con-

gregationis Sanctissimi Redemptoris necnon omnes Christifideles. Quaprop-

ter Processus Informativus incohatus est die XI mensis Maii anno MCMLII

in dioecesi Conchensi, cuius validitatem Congregatio de Causis Sanctorum

recognovit per Decretum die XXVI mensis Maii anno MM promulgatum. Posi-

tione confecta, Theologi Consultores, in Congressione Peculiari die XI mensis

Iunii anno MMXI habita, votum ediderunt positivum. Patres Cardinales et

Episcopi, in Sessione Ordinaria die VI mensis Novembris anno MMXII habita,

prospero cum exitu disceptaverunt an Servorum Dei mors verum martyrium

fuisset. Ideo Decessor Noster Benedictus XVI die XX mensis Decembris anni

MMXII iussit ut Congregatio de Causis Sanctorum Decretum super martyrio

adscriberet et nos deinde statuimus ut beatificationis ritus die XIII mensis

Octobris anno MMXIII in urbe Tarraconensi Hispaniae celebraretur.

Hodie igitur, Tarracone in Hispania, de mandato Nostro, Venerabilis

Frater Noster Angelus S.R.E. Cardinalis Amato, Praefectus Congregatio-

nis de Causis Sanctorum, textum Litterarum Apostolicarum legit, quibus

Nos Servos Dei Iosephum Xaverium Gorosterratzu et IV socios presbyte-