1116 Acta Apostolicae Sedis - Commentarium Officiale

venire infirmis domi visitandis, ut sanctus Franciscus Salesius proposuit Visitandinis tamquam principale opus earum. Serva Dei sibi et sororibus composuit Rationem vivendi, titulo Methodus conversationis, ab Episcopo Comensi die XVI mensis Iulii anno MDCCCLXII approbatam, in qua normam perfectionis definite descripsit: « Caritas erga proximum sit in Sororibus tamquam amor universalis, qui omnes in Domino amplectitur ac neminem secernit ». Invitavit denique sorores esse « strenuas simul et humiles, patien- tes et affabiles moribus, silentii et laboris studiosas sese ostendere, necnon ad infirmis assidendum et ad quodcumque caritatis opus nullo etiamsi duro atque taetro praetermisso officio propensas ». Testis fuit Evangelii quia dis- cipula Iesu fuit. Eius sententia, Iesus tam praesens in tabernaculo reapse fuit quam in hominibus patientibus, aegrotantibus et pauperibus. Adhortata est filias suas ut auxilium pauperibus ferrent tamquam effectum consecra- tionis earum ad Iesum Crucifixum et Sanctissimam Matrem Perdolentem, cuius imagines sunt christiani maxime quandocumque aegrotant. Praeter caritatem haec Serva Dei modestia, humilitate ac operositate eminuit. Va- riolarum nigrarum morbo correpta, quem sibi contraxit dum cuidam aegroto ad domicilium eius liberaliter assidebat, die XXIII mensis Februarii anno MDCCCLXXII pie in Domino quievit; quae mors optimus epilogus fuit vitae virtuosae eius.

Die XXVII mensis Septembris anno MCMXCIV coepta est Inquisitio dioecesa- na super vita et virtutibus eius apud Curiam dioecesanam Comensem, cuius vis iuridica per Decretum Congregationis de Causis Sanctorum recognita est die XVIII mensis Octobris anno MCMXCVI.

Tum Consultores Theologi, in Congressu Peculiari die XVII mensis Iunii anno MMXI congregati, tum Patres Cardinales et Episcopi, in Sessione Or- dinaria die VI mensis Octobris anno MMXII coadunati, sunt professi Servam Dei virtutes theologales et cardinales iisque adnexas in modum heroum exercuisse. Praedecessor Noster Benedictus XVI mandavit ut Decretum hac de re a Congregatione de Causis Sanctorum rite promulgaretur die XX mensis Decembris anno MMXII. Beatificationis respectu, Postulatio iudicio Congregationis de Causis Sanctorum coniectam submisit miram sanationem infantis asphyxiam passae in dioecesi Comensi die VI mensis Septembris anno MCMLXXXI factam. Inquisitio dioecesana hanc in rem acta est apud Curiam episcopalem Comensem inter annos MCMXCVI et MCMXCVII. Vis iuridica huius Inquisitionis recognita est a Congregatione de Causis Sanctorum per

Decretum die VII mensis Novembris anno MCMXCVII. Medici Dicasterii Consul-