838 Acta Apostolicae Sedis - Commentarium Officiale

ROMANA

Canonizationis Beati Nicolai a Longobardis (in saeculo: Ioannis Baptistae Clementis Saggio) Oblati Professi ex Ordine Minimorum (1650-1709)

DECRETUM SUPER MIRACULO

Beatus Nicolaus (in saec.: Ioannes Baptista Clemens Saggio) die 6 mensis

Ianuarii anno 1650 natus est Longobardis, parvo vico intra fines provinciae

Consentiae in Italia. Puer arva cum patre severe operatus est; exinde, anno

1668, ad ramum saecularem Fratrum Minimorum Sancti Francisci de Paula

se aggregavit et, paucis post annis, quo propius suam sequeretur vocatio-

nem, protoconventum Paulae ingressus est. Die 29 mensis Septembris anno

1671, vota Minimorum professus est et illinc munera exercens humillima,

etsi in doctrina tradenda maxime praestabat et schola eius et a pueris et

ab eorum parentibus admodum existimabatur, varias apud communitates

vixit. Peculiari dilectione pauperes coluit, quibus omnibus sive animae sive

corporis in necessitatibus subvenit. Anno 1683, Roma Lauretum peregri-

natus est, ut prò Vindobona et Europa Christiana ex obsidione copiarum

Othomanorum eximenda a Beata Maria Virgine intercessionem invocaret.

Multis etiam mysticis contemplationibus honestatus est. Mense Ianuarii anno

1709, hostiam se obtulit pro Ecclesia, ut nova Urbis praedatio vitaretur,

et, consecuto die 3 mensis Februarii eiusdem anni, ultimis sacramentis re-

ceptis, Crucifixum osculatus est et in Domino quievit. Fama sanctitatis in

saecula perseveravit. Summus Pontifex Pius VI anno 1786 eum in numerum

beatorum rettulit.

Canonizationis respectu, Causae Postulatio iudicio huius Congregationis

de Causis Sanctorum assertum subiecit mirum eiusdem Beati intercessioni

tributum incolumitatis eventum, qui ineunte aestate anni 1938 in vico eius

natali occurrit. Nam, iuvenis decem et septem annos natus, qui in reficienda

ecclesia loci uti operarius discipulus laborabat, e contignatione ad altitudi-

nem duodecim metrorum collocata ruinae tabulae cuiusdam causa delapsus,

humi proruit et super aggerem arenae, caementi et lapidum praeacutarum

conflatum cecidit. Confestim autem iuvenis a terra resurrexit ac nihil damni

se perculsum intellexit esse nulloque corpus dolore corripi vel obice motum