Acta Francisci Pp. 725

LITTERAE APOSTOLICAE

I

Venerabilibus Dei Servis Mauro Palazuelos Maruri et XVII Sociis ex Ordine Sancti Benedicti Beatoram honores decernuntur.

FRANCISCUS PP.

Ad perpetuam rei memoriam. - « Qui enim voluerit animam suam sal- vam facere, perdet eam; qui autem perdiderit animam suam propter me et

evangelium, salvam eam faci et » ( Mc 8, 35).

Hac in brevi prolatione, ex Evangelio secundum Marcum excepta, prae-

cipue refulgent vita et mors Martyrum Monasterii El Pueyo; vita scili-

cet Domino integre consecrata martyrioque in fine decorata. Sanguine ob

amorem Iesu Christi versato hi pii monachi sic plenam ac definitivam Deo

consecrationem panxerunt suam.

Plene conscii se tamquam martyres obituros esse paratique talem ad

mortem amplectendam, intrepide quidem morti occurrerunt, scientes se

ab altera ad alteram vitam, sane meliorem, transituros. Intellexerunt enim

operae pretium esse se hanc terrestrem vitam perdere ut illam sempiternam

adipiscerentur Christumque postremo et certo incurrerent, cui vitam suam

per vota monastica dicaverant. Enimvero contigit in novissimis diebus te-

rrestris eorum vitae, immo vero eo ipso tempore quo in occursum mortis

veniebant, ut reapse quirent observare praecepta quae sanctus Benedictus

sua in Regula illis tradidit: « Ecce pietate sua demonstrat nobis Dominus

viam vitae. ... Succinctis ergo fide vel observantia honorum actuum lumbis

nostris, per ducatum Evangelii pergamus itinera eius, ut mereamur eum qui

nos vocavit in regnum suum videre. ... Christo omnino nihil praeponant,

qui nos pariter ad vitam aeternam perducat » ( S. Benedicti regula, prologus

et caput LXXII).

Martyres de El Pueyo tali fortitudine talique gaudio occurrerunt morti

quoniam sciebant se eo modo ad vitam aeternam esse perventuros seseque

felicissime conspectum inituros Patris necnon congressum cum Christo Ma-

treque Sanctissima Eius.