Acta Francisci Pp. 735

III

Venerabilibus Servis Dei Richardo Gil Barcelón et Antonio Arrué Peiró Bea- torum Martyrum honores decernuntur.

FRANCISCUS PP.

Ad perpetuam rei memoriam. - « Quoniam melior est misericordia tua super vitas, labia mea laudabunt te. Sic benedicam te in vita mea et in

nomine tuo levabo manus meas » ( Ps 63, 4-5).

Gaudium et pax, quibus pleni Venerabiles Servi Dei Richardus Gil Bar-

celón et Antonius Arrué Peiró ad martyrium pervenerunt, coronam consti-

tuebant laudis Domini quam illi cotidie in sequela Christi offerebant atque

in testificatione suae fidei.

Pater Richardus Barcelón die XXVII mensis Octobris anno MDCCCLXXIII

in loco v. Manzanera, provinciae Terulensis, in Hispania, natus est. Anno

MDCCCLXXXVI in Seminarium ingressus est. Anno MDCCCXCIII nomen militiae

dedit atque in Philippinas missus est, ubi eodem tempore Ordinis Fratrum

Praedicatorum Facultatem Theologicam frequentavit et die XXIV mensis

Septembris anno MCMIV sacerdos ordinatus est. Anno MCMV in Hispaniam

reversus, vitam religiosam suscepit apud memoratum Ordinem, sed profes-

sionem non emisit. Semper suam definitivam quaerens vocationem, etiam

Capuccinos Tertiarios frequentavit et, aliquos per menses, vitam duxit ere-

miticam. Anno MCMIX decrevit Romam petere, in simplicitate et humilitate

peregrinatoris, in prece et paenitentia. Hic Venerabilis Servus Dei convenit

sanctum Aloisium Orione, qui eum suum in Institutum recepit, in Par-

vum videlicet Opus Divinae Providentiae, atque eum in novitiatum misit

Dertonae, ubi postea vota nuncupavit religiosa. Anno MCMX capellanus fuit

Messanae; ab anno MCMXI ad annum MCMXII assignatus est orphanotrophio

sancti Prosperi in urbe Rheginensi; ab anno MCMXIII ad annum MCMXXIII

ministerium Cassani exercuit. Ab anno MCMXXIII ad annum MCMXXIV fuit in

Monte Mario, Romae, primum apud orphanotrophium et deinde in paroecia

suburbana viae Appiae. Multis muneribus expletis, anno MCMXXX sanctus

Aloisius Orione misit eum in Hispaniam ut ibi Domum Instituti aperiret.