Acta Francisci Pp. 741

IV

Dei Servis Melchiorae ab Adoratione Cortés Bueno et XIV Sociis e Societate Filiarum a Caritate Sancti Vincentii de Paul Beatorum Martyrum honores decernuntur.

FRANCISCUS PP.

Ad perpetuam rei memoriam. - « Haec est enim caritas Dei, ut man- data eius servemus; et mandata eius gravia non sunt, quoniam omne, quod

natum est ex Deo, vincit mundum; et haec est victoria, quae vicit mundum:

fides nostra. Quis est qui vincit mundum, nisi qui credit quoniam Iesus est

Filius Dei? » ( 1 Io 5, 3-5).

Amor Dei potissimum ostenditur per sollertiam custodiendi Eius man-

data tamquam signa amoris ac fortitudinis quibus vincitur mundus. Sic

vixerunt Soror Melchiora ab Adoratione Cortés Bueno eiusque XIV Sociae.

Quotidiana fidelitas ad Evangelium optima fuit illis praeparatio ad victo-

riam fidei in tempore persecutionis et martyrii adipiscendam. Itaque haec

Apostoli Ioannis verba omnino implentur per martyrium quod hae Filiae a

Caritate Matriti subierunt. Operibus caritatis ob vocationem suam et condi-

cionem vitae deditae, plena ad Iesum fidelitate vixerunt et propter amorem

maiorem in Dei Filium quam in propriam vitam, sanguinem effuderunt.

Etenim anno MCMXXXVI Matriti erant XLI communitates ac XX in regionibus

vicinis, ubi MCCXCII sorores munere fungebantur in valetudinariis, collegiis ac

scholis, gerontotrophiis et sanitariis, hospitiis, orphanotrophiis, refectoriis

publicis; simulque socialia alia opera exsequebantur. Deinde vero sunt ex-

pulsae e suis domibus refugium aliorsum quaerentes. Plus quam DC sorores

comprehensae sunt et CCXX morte occubuerunt post exitum ex carcere.

Inter XV martyres, VI missionem caritatis suam exercebant utpote magis-

trae ac educatrices, III tamquam nutrices in publicis orphanotrophiis vel

asylis, et VI fuerunt caritatis testes variis in valetudinariis.

Soror Melchiora ab Adoratione et eius XIV sociae, fide in redemptri-

cem Iesu Christi amoris fortitudinem suffultae, insimulationes, calumnias,

carceres, vexationes, immania tormenta passae sunt, ac tandem manuballista

sunt necatae propter suam vitam consecratam et absolutam deditionem