748 Acta Apostolicae Sedis - Commentarium Officiale

Teresiam. Rogavit et obtinuit ut inter Salesianas sorores haberet locum, sed

pridie quam ingrederetur aegrotavit. Sanata, Dei Serva intellexit asseclam

sancti Francisci Assisiensis se Domino dicare debere. Una cum duabus sociis

Aquisgranam se contulit, apud domum principem Sororum Pauperis Iesu

Infantis, ut illius religiosae vitae rationem per menstruum spiritalis exerci-

tationis curriculum experiretur. Luxemburgensis Episcopi Ioannis Theodori

Laurent et beatae Franciscae Schervier suasu, Venerabilis Dei Serva regu-

lam Tertii Ordinis sancti Francisci sicut normam novae institutionis elegit.

Prima statuta confecit una ex primis sociis, soror Clara Pfänder, quae vero

rationem regulae sancti Augustini est secuta. De hac re doluit Teresia, quae

tamen novum statutum humiliter, ab Episcopo comprobatum, accepit. Anno

MDCCCLXIII intestinae de regendo instituto ortae difficultates effecerunt ut

se ab illo seiungeret atque novam Congregationem conderet, cui nomen

indidit « Pauperes Franciscales ab Adoratione Perpetua », quas rexit usque

ad mortem eisque fuit exemplo. Venerabilis Dei Serva una cum sororibus,

bello saeviente Francogallico et Prussiano (annis MDCCCLXX-MDCCCLXXI) mi-

litibus sauciatis curandis operam dedit, ita ut ab ipsa imperatrice publice

laudata sit. Illo ipso tempore Congregatio spiritalem formam habuit, quam

Venerabilis Dei Serva voluit, cuius proprium est vitam contemplativam et

activam studio ac mira opera composite agere. Tamen eo quod Otto von

Bismarck, Prussiae Cancellarius, clero se praebuit infensum, mater Maria

Teresia Bonzel suam operam omnino impediri animadvertit. Sed cum non-

nullas sorores missionarias in Americam Septentrionalem mitteret, obtinuit

ut nova Congregatio ultra propagaretur. Anno MDCCCLXXXVI apud oppidum

Mülheim primum Capitulum Generale congregavit, ubi Generalis Antistita

est ab omnibus electa. Die XIII mensis Aprilis anno MDCCCXCVII Congregatio

pro Religiosis decretum edidit novum laudans Institutum. Die XXII mensis

Ianuarii anno MCMV Dei Serva cum sororem quandam inviseret tabido morbo

correptam, graviter aegrotare coepit atque, postremis Sacramentis susceptis,

die V mensis Februarii anno MCMV de hoc mundo demigravit.

Cum Servae Dei sanctitatis fama cresceret, Informativus Processus apud

Curiam Paderbornensem est constitutus, qui die XXIX mensis Iulii anno

MCMLXX ad finem est perductus quemque validum agnovit Congregatio de

Causis Sanctorum. Consultores Theologi die XXIII mensis Iunii anno MCMIX

eius virtutes herorum in modum exercitas agnoverunt atque idem senserunt