Congregatio de Causis Sanctorum 835

SANCTI IOSEPHI IN BRASILIA

Beatificationis et Canonizationis Servae Dei Mariae Teresiae a Iesu Eucharistico (in saeculo: Dulcis Rodrigues Dos Santos) Fundatricis Congregationis Sororum Parvarum Missionariarum a Maria Immaculata (1901-1972)

DECRETUM SUPER VIRTUTIBUS

« Quamdiu fecistis uni de his fratribus meis minimis, mihi fecistis » ( Mt

25, 40).

Serva Dei Maria Teresia a Iesu Eucharistico die 20 mensis Ianuarii anno

1901 lucem vidit in civitate Sancti Pauli in Brasilia, minor nata ex septem

filiis quos christiani coniuges Brasilius Rodrigues dos Santos et Helena

Herold, anno 1888 matrimonio coniuncti, a Deo receperunt. Die 29 mensis

Iunii anno 1902 baptizata, nomen ei impositum fuit Dulcis. Die 1 mensis

Septembris 1912 prima vice ad sacram Eucharistiam admissa ftiit ac die 22

mensis Ianuarii anno 1913, in ecclesia cathedrali Saneti Pauli, sacramentum

Confìrmationis recepit. Assidue scholas frequentavit ac diplomate Magisterii

insignita fuit anno 1919.

Dum ad Christum Iesum pressius sequendum se sentiens vocata, inter

moniales Carmelitas Discalceatas cooptari intendebat, gravi morbo phthi-

sis correpta, non in monasterium sed in valetudinarium in civitate Sancti

Iosephi in Brasilia (v.d. São José dos Campos) situm, pergere debuit, die 7

mensis Iunii 1922. Ibi per triennium propriae saluti consulere debuit, at,

fere ab initio, salutem proximorum, potius quam propriam, curare videba-

tur, praesertim spiritualem, morti proximos adistens et omnibus Christiana

caritate inserviens. Exemplo suo etiam alias, praesertim iuvenes eodem

morbo affectas, movens, maxime indigentibus et derelictis auxilio erat et

paulatim considerare coepit morbum suum tamquam signum Divinae Provi-

dentiae, quae eam in illum locum duxerat ut spem christianam spe salutis

destitutis restitueret.

Sub fine anni 1925 in civitatem Sancti Pauli reversa est ut curam gere-

ret propriae matris, quae graviter aegrotabat et tandem die 28 insequentis

mensis Ianuarii animam Deo reddidit. Paucis mensibus transactis, Serva

Dei, etsi iam fìrmiori salute gaudebat, iterum in civitatem Sancti Iosephi

rediit ut adulescentulas phthisi laborantes adiuvaret. Itaque anno 1927 do-

mum aperuit in qua puerulas phthisi laborantes recipere incoepit. Anno