Congregatio de Causis Sanctorum 829

VICTORIENSIS

Beatificationis Seu Declarationis Martyrii Servi Dei Petri Asúa Mendía Sacerdotis

Dioecesani († 1936)

DECRETUM SUPER MARTYRIO

« Si Christi causa est, me non piget mori (...). Si propter fidem me per-

sequuntur, benedictus sit Deus ».

Haec sunt aliqua postrema verba Servi Dei Petri Asùa Mendia suam

illimem conscientiam declarantia atque generosam dispositionem ad sig-

nificandam, morte cruenta, propriam fidelitatem Christo et Ecclesiae in

perdifficilibus adiunctis cuiusdam persecutionis religiosae.

Primo dimidio saeculi XX, Ecclesia Catholica in Hispania reapse aggre-

dita est ferociter, tum physice a Militiis AnarcoMarxistis, tum iuridice et ad-

ministrative legislatione libertatem religiosam et cultus exercitium vetante.

Sacerdotes et Episcopi, una cum Religiosis et apostolice consociatis fuerunt

methodice accusati, minati, ac saepe coacti ad paroecias et communitates

relinquendas, in carcerem coniecti, denique necati. Ecclesias et coementeria

contaminata, profanata et demolita sunt. Cultus libertas primum restricta

et postea suppressa est. Multae terroris ac seditionis fuerunt victimae, quae

verticem consecutae sunt anno 1936, in cuius aestate circiter septuaginta

neces quotidianas exsequebantur. Servus Dei Petrus Asúa Mendía pertinet ad

Hispaniae christianorum martyrum gloriosum exercitum, interfectus propter

unicam culpam identitatis suae catholicae et sacerdotalis.

Servus Dei natus est in loco v. d. Valmaseda apud civitatem Vizcaya

in Hispania, die 30 mensis Augusti anno 1890. Studia primaria frequenta-

vit in pago natali apud gymnasium Congregationis Hijas de la Cruz; sed

baccalaureatum obtinuit in schola Societatis Jesu apud Orduña. Profectus

ad civitatem Matritensem anno 1904, lauream obtinuit in Architectura et

professionis architecti exercitium incepit, instituens et aedificans structuras

religiosas in pago natali et in Flaviobrigensi et Victoriensi civitatibus; anno

1915 nominatus est architectus titularis Dioeceseos Victoriensis quae, illo