836 Acta Apostolicae Sedis - Commentarium Officiale

1928 monasterium Carmelitarum Discalceatarum ei licentiam ingrediendi

concessit, sed propriam vocationem coram Deo discernens, decrevit inter

aegrotantes manere et vitam, quasi veram missionariam, prò miseris et

indigentibus cuiuscumque generis impendere.

Episcopus Dioeceseos Taubatensis, iudicans zelum Servae Dei secun-

dum Deum esse et videns quod aliae etiam iuvenes ei adiutorium libenter

praebebant, decrevit anno 1932 « Piam Associationem Mariae Immaculatae »

instituere, quae curam tam materialem quam spiritualem pauperum phthisi

laborantium haberet. Die 15 mensis Augusti anni 1932 Serva Dei et eius

sociae habitum album cum caeruleo cingulo induerunt ac, verba « Miseri-

cordia et Veritas » ut signum sibi proponentes, novo ardore servitium prò

infirmis prosequutae sunt et indigentibus.

Anno 1933, Serva Dei extruere incoepit novum valetudinarium, Mariae

Immaculate dicatum, ubi mulieres phthisi laborantes, ex quocumque loco

venientes, gratis et amore recipere poterant. Insequenti anno Episcopus

Constitutiones nascentis Congregationis, a Serva Dei redactas, ad Sedem

Apostolicam transmisit et die 27 mensis Iunii anno 1936 Sancta Sedes illas

approbavit. Caerimonia pro erectione canonica Congregationis locum ha-

buit die 8 mensis Novembris anno 1936 ac die 6 mensis Decembris Serva

Dei nominata fuit Superior Generalis, nomen suscipiens Teresiae a Iesu

Eucharistico.

Prima domus, extra civitatem Sancti Iosephi a nova Congregatone fun-

data, inaugurata fuit die 21 Novembris anni 1939 in urbe Sancti Pauli;

agebatur de valetudinario pro infirmis phthisi laborantibus, qui plures erant

in eo loco ac aerumnis pieni.

Mater Teresia et Sorores multa pati debuerunt in novis fundationibus

aggrediendis, sed, fraterno amore et heroica patientia, insidias sive hominum

sive Maligni superantes, animos infirmorum sibi conciliabant et salutem

tam corporum quam animarum fructuose promovebant, ita ut cum Apostolo

dicere nobis liceat: « Infirma mundi elegit Deus, ut confundat fortia » ( 1 Cor

1, 27), si consideremus quod fundationes ab ipsis factae numerum triginta

et octo attigerunt.

Die 11 mensis Februarii anno 1952 Sancta Sedes Decretimi Laudis

concessit, quo Congregatio devenit Institutum Iuris Pontificii, inde emi-

sit Decretum Approbationis Definitivae Congregationis Sororum Parvarum

Missionariarum a Maria Immaculata.