826 Acta Apostolicae Sedis - Commentarium Officiale

BONAËRENSIS

Beatificationis et Canonizationis Servae Dei Mariae Benedictae Arias Fundatricis

Sororum Ancillarum Iesu in Sacramento (1822-1894)

DECRETUM SUPER VIRTUTIBUS

« Dirigatur oratio mea sicut incensum in conspectu tuo, elevatio manuum

mearum ut sacrificium vespertinum » ( Ps 141, 2).

Serva Dei Maria Benedicta Arias, humilis ac simplex necnon paenitens

ac pia mulier, sanctae Ecclesiae fidelissima sanctitatis viam percurrit. De eu-

charistica spiritualitate sane deprompsit magnanimitatem et vim tum egen-

tissimis se dicandi, tum maternam sollicitudinem erga pupillas aegrotosque

exprimendi. Divina gratia eius cor convertit quasi in pretiosum turibulum,

ex quo perpetuo halavit Sanctissimi Sacramenti adorationis laudisque odor,

necnon magnanimae actuum reparationis, una cum Christo Crucifixo, ad

consequendam fratrum in corpore et spiritu vulneratorum salutem.

Serva Dei die 3 mensis Aprilis anno 1822 in loco vulgo La Carlota,

provinciae Río Cuarto intra Argentinae fines, vitam iniit. Die 30 mensis

Maii eiusdem anni Baptismatis ac Confirmationis sacramenta recepit. Cum

puellae innuptae esset filia ideoque reiecta ab originis familia, humilibus

coniugibus, olim servis natione Africanis, est assignata. Parentes adoptivi,

qui Saltae constiterant, perpauperes erant at boni christiani. Qui vero eam

et amore sunt amplexi et fide imbuerunt.

Anno 1840, matre adoptiva mortua, Serva Dei inire petiit societatem

piarum mulierum, quae Bonaëropoli in exercitiorum domo, instituta a Ve-

nerabili Maria Antonia de la Paz y Figueroa, vitam communem, sine votis

religiosis, ducebant. In hoc loco misero et austero Maria Benedicta, per

triginta annos, operosam, humilem, paenitentem, temperantem, orationis

amantem se praebuit. Magistrae, Secretariae et Oeconomae munera in spi-

ritu evangelici ministerii explevit.

Anno 1845, in Bonaërensi coenobio Sancti Francisci, vestem Francisca-

lem induit et, die 10 mensis Maii anno 1846, veluti tertiaria Ordinis Fra-

trum Minorum vota nuncupavit. Anno 1862 Confraternitati a Sanctissimo

Sacramento, in Cathedrali ecclesia Bonaërensi erectae, nomen dedit ita ut