832 Acta Apostolicae Sedis - Commentarium Officiale

QUEBECENSIS

Beatificationis et Canonizationis Servae Dei Marcellae Mallet Fundatricis Congre-

gationis Sororum a Caritate de Québec (1805-1871)

DECRETUM SUPER VIRTUTIBUS

« Magna potentia Dei solius et ab humilibus honoratur » ( Eccli 3, 21).

Serva Dei Marcella Mallet Dominum magnificavit per humilitatem et

laetitiam vitae et promptam se fecit actioni divinae gratiae, ut potentia

Altissimi mira caritatis prò pusillis et pauperibus agere perseveraret.

Serva Dei die 26 mensis Martii anno 1805 in vico v. d. Cóte-des-Neiges

prope Marianopolim in Canada nata est. Adhuc parvula patre et sex fratri-

bus orbata est, cui dolori summa adicitur inopia, quae familiam eius valde

opprimebat. Simul cum uno imperdito fratre avunculorum commissa est

curis, quorum gratia Marcella adulescentiam laetam vivere valuit, sed nulla

frequentata schola, modo matura aetate ipsa per se legere ac scribere didicit.

Anno 1824, cum se ad vitam religiosam vocatam esse animadverteret,

etsi resistente familia, Congregationem Sororum a Caritate de Marianopoli

anno 1734 a Sancta Margarita d'Youville fundatam ingressa est. Informa-

tionis tempore, admodum enisa est, ut amorem erga Dominum Iesum co-

leret, cuius viscera benignitatis et actus mansuetudinis ipsa in officiis suis

coquae, infirmorum ministrae et sacristae exercendis aemulari contendit.

Suas propter aequitatis una et elegantiae dotes Serva Dei, annis 1840-1849,

vocata est, ut administratricis atque, ab anno 1845, Superiorissae adiutricis

quoque fungeretur muneribus.

Anno 1849, Archiepiscopus Quebecensis ab Instituto Sororum a Caritate

petiit, ut opus prò iuvenibus instituendis et pauperibus adiuvandis Quebe-

copoli inirent. Petitione accepta, Mater Generalis tantae novae quinque

religiosas destinavit missionis, cuius Servam Dei Moderatricem nominavit.

Sorores civitatem saeva typhi lue invenerunt vestatam et confestim orpha-

nis filiis migrantium ex Hibernia innumerisque aegrotis benigne deservire

ceperunt. Communitas, interdum, quae Constitutionum Sororum a Caritate

perducebat observantiam, potestati archiepiscopali subiecta est. Hoc revera

consilium novum Institutum religiosum ab alio Marianopolitano seiunctum

excussit, quod Servam Dei fundatricem et Superiorissam Generalem habuit.