824 Acta Apostolicae Sedis - Commentarium Officiale

vandum. Inter proposita illius Operis, quod ex Servi Dei caritate ortum est,

praeter missiones in locis custodiae, requirebatur ut sodales darent operam

iuvandis familiis captivorum ac peculiarem in modum iis qui, poena iam

soluta, e carcere dimittebantur. Eodem fere tempore instituit Commentarium

bimestre cui titulus « Croce Bianca », ut instrumentum communicationis inter

reclusos eorumque familias haberetur.

Quandoquidem missionalis apostolatus inter reclusos et assistentia ad

sodales Piae Unionis increscebat, Servus Dei a munere paroeciali exonerari

obtinuit. Qua de re anno 1951 paroeciam reliquit ac sedem statuit in pago

v. Ronco all'Adige, ubi spiritualis curae munus in relaxationis Hospitio as-

sumpsit. Hic enim Domum condidit Sancti Ioseph excipiendis reclusis de

vinculis dimissis. Apostolica eius navitas celeriter diffusa est et ideo in dies

maiora creverunt subsidia, ita ut anno 1957 in lucem erigi potuerit Sextum

Opus, scilicet, consociatio laicorum qui promptos se praeberent ad missiones

apud reos promovendas. Huic Sedi aliae sunt additae domus, quarum fuit

hospitio excipere eos qui frequentiores libertate fruebantur. Mense Iunio

anno 1959 Servus Dei ob Meritum Civile Redemptionis Socialis aureo no-

mismate necnon diplomate ab Italico Gubernio est honestatus.

Praeterea, ne extremis quidem vitae annis defecerunt eum iuventus ani-

mi, luciditas mentis ac serenitas spiritus ad gloriam Dei et ad servitium

tenuiorum omnino dediti. Permanens eius gestus subridens ex artissima

communione cum Corde Christi ob amorem sauciato proveniebat. Humilis,

silens ac simplex eius apostolatus, quem per duodeseptuaginta annos vitae

sacerdotalis exercuit, coram omnibus qui eum cognoverant luculenter patuit.

Mense Septembri anno 1977, Servus Dei se recessit in hospitium Sacri

Cordis pagi Negrar, Veronae. Die 1 mensis Maii anno 1978, dum ad altare

accederet, sacris vestibus indutus ad Eucharistiam celebrandam, animam

Domino tradidit.

Sanctitatis fama perpensa, apud ecclesiasticam Curiam Veronensem a die

10 mensis Aprilis anno 2002 ad diem 30 mensis Aprilis anno 2005 instructa

est Inquisitio dioecesana, cuius iuridicam auctoritatem haec Congregatio

approbavit, Decretum edens die 9 mensis Iunii anno 2007. Exarata Positione,

ut de more disceptatum est de virtutibus heroico in gradu a Servo Dei exer-

citis. Die 26 mensis Februarii anno 2013 Consultores Theologi in Peculiari

Congressu congregati faventem tulerunt sententiam. Purpurati Patres et