Congregatio de Causis Sanctorum 981

et dextera laxata et epithelii orba videretur ac cellulae ex ovorum receptaculo

evehendae impar.

His gravissimis in adiunctis domina Editha, quae vitam et opera Venera-

bilis diligentius legerat, ad divinum auxilium confugit, intercessionem Servae

Dei apud Dominum ferventer impetrans. Post duorum mensium spatium com-

pletam et integram recuperavit valetudinem et, gravida etiam facta, omnino

sanam genuit pupillam ac prompte soluteque novas duas pertulit praegnatio-

nes. Continuatio temporis clarissime patuit, sicut et nexus inter invocationem

Venerabilis Servae Dei et sanationem dominae Edithae, quae etiamdum opti-

ma gavisa est valetudine normalesque exinde vitae consuetudines gessit.

De hac mira habita sanatione apud Curiam Archiepiscopalem Vindobo-

nensem a die 30 ad diem 12 mensis Martii anno 2001 Inquisitio dioecesana

celebrata est, cuius auctoritas et vis iuridica a Congregationis de Causis

Sanctorum Decreto diei 20 mensis Februarii anno 2002 probatae sunt.

Acta dein collecta examini et iudicio Medicorum Collegii Dicasterii subiec-

ta sunt, quod in sessione diei 15 mensis Martii anno 2007 una voce ac

sententia prognosim quoad idoneitatem reproductivam aegrotae infaustam

recognovit et sanationem inexplicabilem secundum hodiernam scientiam

medicam fuisse affirmavit.

Die 15 mensis Ianuarii anno 2008, Congressus Peculiaris Consultorum

Theologorum, post res die 4 mensis Decembris eiusdem anni subtilius

explicatas, prospero cum exitu factus est. Die 25 mensis Maii anno 2009 in

Sessione Ordinaria Patrum Cardinalium et Episcoporum statutum est, ut

Medicorum Collegium Dicasterii documenta clinica et studia accuratius

exquireret. Die 7 mensis Iunii anno 2011 altera Sessio Ordinaria Patrum

Cardinalium et Episcoporum, Ponente Causae Excellentissimo ac Reveren-

dissimo Domino Lino Fumagalli, Episcopo Viterbiensi, habita est et, posito

dubio an de miraculo divinitus patrato constaret, responsum affirmativum

prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Venera-

bilis Servae Dei Hildegardis Burjan, Fundatricis Societatis Sororum a Caritate

Sociali, videlicet de celeri, perfecta ac constanti sanatione dominae Edithae

Kasperak a « sterilità definitiva da fattore tuboperitoneale ».