Congregatio de Causis Sanctorum 973

ginosa periodo Gallicae Eversionis, ad effectum adducta est lex cuius vi

Religiosi Ordines supprimebantur, ita ut Servus Dei, postquam expressit

die 10 mensis Iunii anno 1790 voluntatem vitam communitariam cum aliis

duobus confratribus prosequendi, coactus est ad Abbatiam relinquendam,

apud viciniam tamen permanens.

Cum, per legem die 26 mensis Augusti anno 1792 editam, omnibus clericis

publica officia implentibus iniunctum est emittere ius iurandum fidelitatis

erga Civilem Constitutionem, ille, in errorem inductus, censens regredi posse

inter innumeros religiosos dioecesis Constantiensis, qui coacti erant ad

perfugium inveniendum in Anglica Insula vulgo Jersey, reliquit Galliam

pro exsilio. Sed, erroneam advertens interpretationem, in patriam rediit

ubi reconditam egit vitam, eucharisticum sacrificium saltuatim celebrans

intra iurisdictionem suae ex-Abbatiae.

Contentio tamen politica paulatim progrediebatur, implicans magis in

dies Ecclesiam eiusque ministros, eo ut in veram et propriam persecutionem

mutaretur. Hoc in historico contextu, noto sub vulgari nomine «Terror »,

Servus Dei, qui extremo tempore in locis absconditis vixerat, accusatus est

coram publicis auctoritatibus, quae statuerunt ad eius comprehensionem

procedere. Ipso instanti quo captus est, die 3 mensis Septembris anno

1793, secum ferebat, servatos in sacculo, textus canonum liturgicorum quos

manu exscripserat pro celebratione eucharistica in honorem Spiritus Sancti et

Beatae Mariae Virginis, necnon album habitum praemonstratensem aliaque

utensilia. Sequentibus diebus auctoritates administrativae oppidi Carentan

interrogaverunt eum, arguentes de eius condicione sacerdotis « contumacis »,

clandestini, immo emigrati. Primo instanti Servus Dei incusationes refutavit.

Deinde tamen, advertens quod negativum suum responsum sub pretio men-

dacii propriam vitam servavisset suamque sacerdotalem dignitatem detrec-

tavisset, ad gratiam definitive sese aperiens, timorem superavit et causas

accusationis admisit.

Tribunal, nulla attenuanti interposita ratione, ad machinam decollato-

riam damnavit eum. In vinculis Servus Dei testificationem dedit intensae

serenitatis et tranquillitatis, solamen ferens aliis ecclesiasticis et laicis cum

illo adstantibus. Extremam noctem exegit ternas scribens litteras, nempe ad

fratrem suum et ad duos amicos, quibus conscientiam aperuit se ad occisio-

nem esse ducendum propter odium fidei catholicae et Ecclesiae, et promptum

fore ad amplectendam, licet indigne, gratiam martyrii. Sequenti die,