Acta Apostolicae Sedis - Commentarium Officiale978

BISUNTINA

Beatificationis et Canonizationis Ven. Servi Dei Ioannis Iosephi Lataste (in saec.:

Alcidis), Sacerdotis Professi Ordinis Fratrum Praedicatorum Fundatoris Sororum

Tertii Ordinis Sancti Dominici a Bethania (1832-1869)

DECRETUM SUPER MIRACULO

Venerabilis Servus Dei Ioannes Iosephus (in saec. Alcides) Lataste die

5 mensis Septembris anno 1832 in pago v.d. Cadillac in Gallica dioecesi

Burdigalensi natus est. Ut christifidelis laicus in actiones Congressuum Sancti

Vincentii a Paulo valde se contulit. Anno 1857 ingredi in Ordinem Praedica-

torum in pago Flavigny-sur-Ozerai statuit; deinde die 10 mensis Maii anno

1859 Tolosae in coenobio professionem emisit et die 8 mensis Februarii anno

1863 Massiliae praesbyterus ordinatus est. Anno 1864 dum exercitationes

spirituales mulieribus damnatis opere publico in carcere pagi Condillac

praedicabat, novum propositum in Ecclesiae historia constituendi consilium

habuit, id est religioso in conventu mulieres e carcere egredientes secundum

vitam contemplativam recipere ne earum fama, praeiudicata opinione, peni-

tus infamata et sine redemptione evaderet. Die 14 mensis Augusti anno 1866

«Domum Bethaniam » fundavit, Bisuntina in dioecesi. Venerabilis Servus Dei

perrexit officium suum praedicandi et docendi studentibus in coenobio Fla-

vigny atque saepissime carceres visitavit, profitens se velle hoc ministerium

suae apostolicae vitae praecipuum esset: « Felix ero apostoli tam hominum

quam mulierum carcerum munus et officium accipiendi ». Die 10 mensis

Martii anno 1869 in pago Frasnes-le-Château cum fama sanctitatis decessit.

Canonizationis respectu, Causae Postulatio iudicio huius Congregationis

de Causis Sanctorum assertam subiecit quandam miram sanationem per in-

tercessionem Venerabilis Servi Dei. Hoc autem in Belgica natione, Namur-

censi in provincia, primis diebus mensis Februarii anni 1943 evenit et ad

sanationem domini Florentii Mahaux a gravi ac mortifero abdominis tumore

pertinuit. Morbus aliquibus mensibus ante primum vehementibus doloribus

et deinde ingenti tumore pelvis in laeva parte manifestatus est. Aegrotus iam

senex ali nequibat et intestino ita laborabat, ut progressu dierum virium

defectio magis augeretur. A medico, qui aegrotum custodiebat et curabat,

prognosis infausta quoad vitam ad breve tempus edita est.

Hac rerum gravi condicione, Sorores Tertii Ordinis Sancti Dominici a

Bethania pagi v.d. Sart-Risbart, quarum et filia aegroti erat, Venerabilis

Fundatoris intercessionem invocaverunt ad sanationem impetrandam et ad