Acta Benedicti Pp. XVI 865

Hanc propter famam, quae post mortem increbruit, complura ob miracu-

la etiam eius intercessioni adscripta, Montis Ruperti monachae a Decessore

Nostro Gregorio IX petiverunt ut sua mater et magistra in terris glorificare-

tur. Die XXVII mensis Ianuarii anno MCCXXVIII per Litteras Apostolicas

Pontifex quibusdam Moguntinis praelatis munus commisit congruas agendi

inquisitiones. Ii circiter quinque annis demandatum offı̀cium compleverunt;

itaque die XVI mensis Decembris anno MCCXXXIII processus acta Romam sunt

delata, una cum Hildegardis vitae narratione, eius scriptis ac de iis iudicio,

quod theologica facultas Parisiensis fecit, quodque summatim Guillelmus

Antisiodorensis perstrinxit: « Quae magistrorum sunt, non sunt eorum verba

humana, sed divina ». Attamen propter quendam processus defectum, acta ad

iudices sunt relata una cum pontificiis litteris in quibus lacunae explendae

significabantur. Praeter haec impedimenta, patebant tamen communis

sanctitatis Hildegardis agnitio et dilatatio. Eius nomen locorum martyrolo-

giis est inditum atque statim quidam cultus agi est coeptus, quem dioecesa-

nae potestates Moguntinae concesserunt. Deinceps Decessor Noster Ioan-

nes XXII nonnullas indulgentias monasterio Montis Ruperti tribuit, palam

referens « festum sanctae Hildegardis »: illud primum fuit documentum pon-

tificium, die XXVI mensis Augusti anno MCCCXXVI confirmatum, quod eam

designabat « sanctam ». Dehinc ipsius sanctitas in martyrologiis officialibus

semper est denotata. Per rescriptum die XXI mensis Februarii anno MCMXL

Venerabilis Dei Servus Pius XII facultatem fecit ut cultus « sanctae Hilde-

gardis virginis », qui primum solummodo ad nonnullas Germaniae Ecclesias

attinebat, post proferretur ad totam Nationem. Etiam Decessor Noster

beatus Ioannes Paulus II, anno MCMLXXIX, octava interveniente centenaria

memoria ab Hildegardis obitu, palam eam appellavit « sanctam ». Nos tandem

Ipsi in audientiis generalibus, anno MMX, itidem diximus.

Die VI mensis Martii anno MCMLXXIX Venerabilis Frater Noster Iosephus

S.R.E. Cardinalis Höffner, Archiepiscopus Metropolita Coloniensis et Confe-

rentiae Episcoporum Reipublicae Foederatae Germaniae Praeses, una cum

omnibus eiusdem Conferentiae sodalibus, inter quos etiam Nos, tunc S.R.E.

Cardinalis, Archiepiscopus Metropolita Monacensis et Frisingensis, annume-

rabamur, ad beatum Ioannem Paulum II Supplicationem detulit ut Hilde-

gardis Bingensis Universalis Ecclesiae doctor declararetur. In illa Supplica-

tione idem Venerabilis Frater Noster Hildegardis orthodoxiam doctrinae

extollebat saeculo XII a Decessore Nostro Eugenio III agnitam, necnon eius

sanctitatem apud populum usque manentem, praestantiam illius scriptorum