Acta Benedicti Pp. XVI 873

unanimiter iudicavit sanationem domini Nedi Frosini inexplicabilem fuisse

sub luce scientiae medicae. Sanatio intercessioni Venerabilis Servae Dei

Alfonsae Clerici est adscripta a Consultoribus Theologis in Congressu Pecu-

liari die XXII mensis Aprilis anno MMIX atque a Patribus Cardinalibus et

Episcopis in Sessione Ordinaria die XIII mensis Aprilis anno MMIX. Nosmet

Ipsi Congregationi de Causis Sanctorum facultatem fecimus ut die I mensis

Iulii anno MMX Decretum super miro promulgaret. Decrevimus deinde ut

Beatificationis ritus die XXIII mensis Octobris anno MMX Vercellis in Italia

perageretur.

Hodie igitur Vercellis de mandato Nostro Venerabilis Frater Angelus

Amato S.D.B., Archiepiscopus titulo Silensis atque Congregationis de Causis

Sanctorum Praefectus, textum Litterarum Apostolicarum legit, quibus

Nos in Beatorum numerum adscribimus Venerabilem Servam Dei Alfonsam

Clerici:

Nos, vota Fratris Nostri Henrici Masseroni, Archiepiscopi Vercellensis,

necnon plurimorum aliorum Fratrum in Episcopatu multorumque christifi-

delium explentes, de Congregationis de Causis Sanctorum consulto, auctori-

tate Nostra Apostolica facultatem facimus ut Venerabilis Serva Dei Alfonsa

Clerici, religiosa Congregationis Sororum a Pretiosissimo Sanguine Modiciae,

quae vitam suam iuvenibus eorumque familiis instituendis dicavit, Beatae

nomine in posterum appelletur, eiusque festum die quarta decima mensis

Ianuarii, in locis et modis iure statutis quotannis celebrari possit. In nomine

Patris et Filii et Spiritus Sancti.

Quae autem his Litteris decrevimus, nunc et in posterum rata et firma

esse volumus, contrariis quibuslibet rebus minime obstantibus.

Datum Romae, apud Sanctum Petrum, sub anulo Piscatoris, die XXIII

mensis Octobris, anno Domini MMX, Pontificatus Nostri sexto.

De mandato Summi Pontificis

Tharsicius card. Bertone

Secretarius Status

Loco e Plumbi

In Secret. Status tab., n. 156.779