Acta Apostolicae Sedis - Commentarium Officiale622

Dias D'Avila, Madre de Deus, São Francisco do Conde, São Sebastião do Passe,

Simões Filho et Terra Nova, atque ex ita distracto territorio novam dioecesim,

Camassariensem appellandam, erigit ac constituit.

Huius novae dioecesis sedem in urbe vulgo nuncupata Camaçari idem

Summus Pontifex statuit, templumque paroeciale, ibi exstans, Deo in hono-

rem Sancti Thomae Duroverni dicatum, ad gradum et dignitatem ecclesiae

Cathedralis evehit. In eadem ecclesia Cathedrali instituatur, ad normám

iuris, Capitulum Canonicorum.

Novam dioecesim Camassariensem Metropolitanae Ecclesiae Sancti Sal-

vatoris in Brasilia suffraganeam constituit eiusque Episcopum metropolitico

iuri Archiepiscopi pro tempore eiusdem Ecclesiae Metropolitanae subicit.

Congruae sustentationi Praesulis conditae dioecesis provideatur Curiae

emolumentis, fidelium oblationibus et portione ei obveniente ex divisione,

ad normam canonis 122 Codicis Iuris Canonici facienda, bonorum quae

hactenus Mensae (vulgo «Mitra ») episcopali Sancti Salvatoris in Brasilia

hactenus pertinuerunt.

Ut Pastori novae dioecesis in eius regimine validum tribuatur adiutorium,

Consilium Presbyterale, Collegium Consultorum et Consilium a rebus oeco-

nomicis quam primum, instituantur.

Circa Seminarii dioecesani erectionem necnon candidatorum ad sacerdo-

tium formationem, praescripta iuris communis serventur, prae oculis habitis

normis et regulis a Congregatione de Institutione Catholica statutis.

Variis rationibus presbyterorum permanens educatio procuretur.

Cum fas erit, selecti seminarii alumni, philosophicis et theologicis

disciplinis imbuendi necnon sacerdotes ad studia complenda Romam, apud

Pontificium Collegium Pium Brasiliense, mittantur.

Simul ac Camassariensis dioecesis erectio ad effectum deducta fuerit

eo ipso sacerdotes dioecesi illi adscripti censeantur in cuius territorio

ecclesiasticum officium detinent; ceteri vero sacerdotes seminariique tirones

dioecesi illi incardinati maneant vel incardinentur in cuius territorio

legitimum habent domicilium.

Acta et documenta quae novam dioecesim eiusque clericos, fideles et bona

temporalia forte respiciunt a Curia Sancti Salvatoris in Brasilia ad Curiam

Camassariensem, quam primum, transmittantur.

Ad haec omnia perficienda, Summus Pontifex deputat memoratimi

Apostolicum Nuntium vel, ipso a sede absente, negotiorum Sanctae Sedis

in Brasilia gestorem, necessarias et opportunas iisdem tribuens facultates