Congregatio de Causis Sanctorum 601

HAMBURGENSIS

Beatificationis seu Declarationis Martyrii Servorum Dei Ioannis Prassek et

II Sociorum, Sacerdotum dioecesanorum ({ 10.XI.1943)

DECRETUM SUPER MARTYRIO

«Nunc gaudeo in passionibus pro vobis et adimpleo ea quae desunt

passionum Christi in carne mea pro corpore eius, quod est ecclesia »

(Col 1, 24).

Sententia beati Pauli Apostoli vitae adiuncta Servorum Dei Ioannis

Prassek, Andreae Pauli Eduardi Müller et Hermanni Lange singulari

virtute perstringit, qui, testes strenui fidei usque ad mortem, omni cura ac

studio in Evangelii pulchritudine praedicanda et diffundenda enixi sunt.

Servus Dei Ioannes Prassek die 13 mensis Augusti anno 1911 Hamburgi in

Germania ex modesta cerdonum familia natus est. Vocatione ad sacerdotium

percepta, presbyteratu die 13 mensis Martii anno 1937 auctus, ministerium

pastorale Vitemburgae in Megaloburgensi dicione incepit ac dein Lubecae apud

ecclesiam Sacratissimi Cordis Iesu perrexit. Sollicitum strenuumque presbyte-

rum, praeconem facundum et exquisitum atque indulgentem spiritualem mo-

deratorem iam inde ab initio se ostendit. Sedula eius pastoris cura iuvenes

praesertim et infirmos petiit. Nefarii nazistarum regiminis in Deum hostilis

contemptis interdictis, omni ope et studio innumeris pro civibus Polonis ad

metalla damnatis enixus est, quorum animum misericors suscitavit confessio-

nes sacramentales in vernaculo eorundem audiens sermone, quo magis collo-

quium expediret. Nocturna tempestate diei 28 mensis Martii anno 1942, inter

tormenta supra Lubecam coniecta, Servus Dei, sauciis opitulans et puerperis

nosocomii etiam subveniens, quae cum parvulis infantibus apud latibulum

antiaërium effugerent, eximium animi sui praebuit testimonium. Actuosam

licet operam in proximum navaverit, cuius causa etiam perinsignibus ab

Auctoritatibus Castrensibus honestatus esset honoribus, a delatore Ioannes

seditionis argutus est. In vincula coniectus, post annum acerbae et aegraeque

custodiae, a Tribunali Speciali Nazistarum capite damnatus est.

Servus Dei Andreas Paulus Eduardus Müller die 20 mensis Augusti anno

1911 Novomonasterii in Holsatia ex humillima pauperaque familia natus est.

Iam inde ab infirma aetate Andreas animadvertit vocationem ad sacerdo-

tium et varias post fortunas die 25 mensis Iulii anno 1940 presbyteratu