Congregatio de Causis Sanctorum 609

Hieronymi Grillo, Episcopi emeriti Centumcellarum-Tarquiniensis, Causae

Ponentis, professi sunt Servum Dei virtutes theologales, cardinales iisque

adnexas in modum heroum coluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servi Dei Basilii

Martinelli, sacerdotis professi e Congregatione Scholarum a Caritate, vulgo dicta

« Istituto Cavanis », in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iulii A.D. 2010.

e Angelus Amato, S.D.B.

Archiep. tit. Silensis, Praefectus

L. e S.

e Michaël Di Ruberto

Archiep. tit. Biccarensis, a Secretis

BONAËRENSIS

Beatificationis et Canonizationis Servae Dei Mariae Antoniae a S. Ioseph (in

saeculo: Mariae Antoniae de Paz y Figueroa), Fundatricis Domus Exercitiorum

Spiritualium Bonaërensis (1730-1799)

DECRETUM SUPER VIRTUTIBUS

« Semper gaudete, sine intermissione orate, in omnibus gratias agite; haec

enim voluntas Dei est in Christo Iesu erga vos » (1 Thess 5, 16-18).

Haec Paulina adhortatio operam Servae Dei Mariae Antoniae a Sancto

Ioseph summatim et efficaciter exprimit. Mulier haec dono fuit praedita

pulchritudinem fidei vivendi ac diffundendi per orationis exercitium: aposto-