Congregatio de Causis Sanctorum 611

varias tribuit illi et amplas facultates. Promovit cultum ad Sanctum Caieta-

num, qui in praesens per totam Argentinam valde diffunditur.

Solida fide, extraordinaria spe et ingenti caritate erga Deum et proximum

sustentata, Maria Antonia genuinum facta est instrumentum in manibus

Domini, ac, per suum fulgidum apostolatum, in illis gentibus profundum

vitae christianae vestigium impressit. Domina haec, authentica et alacris,

fide suffulta omnes vicissitudines suae vitae oppetivit, praesertim eas quae

funestiores videbantur. Orationi se dedit, sacrificio et paenitentiae eo ut ex

consuetudine nudis pedibus ambulare et cilicium induere videretur. Praeterea

aestimationem sibi conciliavit ob insuetam prudentiam, quam peculiariter

ostendebat in consiliis quaerendis, priusquam decisiones sumeret, a doctis

personis et a religiosis auctoritatibus. Ob comitatis meritum fraterno affectu

divites cum pauperibus sociare potuit, nec unicuique ullas attulit molestias.

Quod attulit illi aestimationem plurium benefactorum qui eius operam susti-

nebant. Inter annos 1790 et 1792 ad regiones quoque Uruguaiae se contulit,

ut suum apostolatum promovere ac diffundere posset. Bonaëropolim rediens,

operam dedit ampliori aedificio construendo, ubi activitatem explicaret, do-

mum erigens recessuum spiritualium quae hactenus quoque utilis redditur.

Apostolatus eius concreditus est cuidam coetui ''beatarum'', quae ulterius in

Institutum Filiarum Divini Salvatoris sunt constitutae.

Ineunte mense Martio anni 1799 Serva Dei graviter aegrotavit et die

7 eiusdem mensis et anni aequo animo ac manibus Domini prorsus dedita

animam exhalavit. Exuviae eius sub omnimoda paupertate sepultae sunt

apud Coemeterium prope Bonaërensem ecclesiam ''a Pietate'' et, ulterius

translatae intra ipsam ecclesiam, quo hodierno quoque tempore innumeri

adeunt peregrini.

Attenta eius fama sanctitatis, a die 23 mensis Octobris anno 1905 ad diem

29 mensis Septembris anno 1906, apud Curiam Bonaërensem instructus est

Processus Informativus, quem postea sequentibus annis divulgatio secuta est

Decretorum de Introductione Causae, de non-cultu necnon de eius scriptis.

Deinde a die 3 mensis Maii ad diem 8 mensis Iulii anni 1999, secundum

recentes normas peracta est Inquisitio dioecesana. Iuridica horum pro-

cessuum validitas a Congregatione de Causis Sanctorum approbata est per

Decretum die 3 mensis Decembris anno 1999 vulgatum. Apparata Positione,

disceptatum est, ut de more, de Servae Dei virtutibus heroicum in gradum

exercitis. Die 17 mensis Ianuarii anno 2006 acta est Sessio Consultorum

Historicorum ac die 6 mensis Octobris anno 2009 in Peculiari Congressu