Acta Apostolicae Sedis - Commentarium Officiale616

SPOLETANA

Beatificationis et Canonizationis Servae Dei Mariae Aloisiae (in saeculo: Gertrudis

Prosperi), Abbatissae Monasterii Ordinis Sancti Benedicti in Trebia (1799-1847)

DECRETUM SUPER VIRTUTIBUS

«Nolite conformari huic saeculo, sed transformamini renovatione mentis,

ut probetis quid sit voluntas Dei, quid bonum et bene placens et perfectum »

(Rom 12, 2).

Haec beati Pauli Apostoli adhortatio mira ac singulari ratione conversa-

tioni et spiritualitati Servae Dei Mariae Aloisiae Prosperi personat, quae,

enim, totam vitam voluntatem dominicam exquirere ac perficere valuit, opus

quodque et verbum ad Dei gloriam revocavit.

Venerabilis Serva Dei, in saeculo Gertrudis, in parvo vico Folliano prope

Perusiam in Italia die 19 mensis Augusti anno 1799 nata est e parentibus ob

integerrimos mores honestissimis et valde probatis, qui ei genuinam opti-

mamque institutionem spiritualem et humanam tradiderunt, cuius gratia

paulatim intellegentiam vigilem ingeniumque liberale iam inde a pueritia

informavit.

Serva Dei vixit totam degens infantiam et adulescentiam inter aerumnas

et difficultates, quae eventibus ac propositis Gallicae Perturbationis adiun-

gebantur. Quo setius, iamiam desiderium in ipsa sese Deo omnino consecran-

di adeo proficiebat, ut denique Trebiam, intra fines Dioecesis Spoletanae,

apud monasterium Sanctae Luciae Ordinis Sancti Benedicti se conferret, in

quo, habitu monastico induto et Mariae Aloisiae Angelorum a Sacratissimo

Corde Iesu sumpto nomine, die 18 mensis Octobris anno 1822 vota perpetua

emisit. Fortis indole, annis vertentibus ex humillimis ad superiora pluribus

functa est muneribus. Maria Aloisia officium exercuit infirmorum ministrae,

oeconomae, sacristae, educandarum magistrae atque ostiariae, in unoquoque

ipsi commisso negotio virtutem exhibens penitus evangelicam actuosa solli-

citudine suffultam et numquam a constanti contemplationis necnon intimae

ac recessae rerum divinarum cogitationis consuetudine disiunctam.

Archiepiscopus Spoletanus, interdum, qui desiderio flagrabat regularis

observantiae ad genuinam simplicitatem revehendae et Mariae Aloisiae

mirum conversationis specimen compererat, curare decrevit, ut Abbatissa

ipsa crearetur. Die igitur, 1 mensis Octobris anno 1837, ad tantum officium