ATURENSIS et AQUENSIS

Beatificationis seu Declarationis Martyrii Servae Dei Margaritae Rutan, Sororis

professae Filiarum a Caritate S. Vincentii de Paul ({ 9.IV.1794)

DECRETUM SUPER MARTYRIO

''Servaverunt me ut moriar'' (Positio super martyrio p. 78). Sententia a

Serva Dei in captivitate pronuntiata demonstrat heroicam sororem recte

scire gravem sibi perseverantiam in fide et recusationem iurisiurandi a

Gallica civili perturbatione impositi futuram esse. Cum hortata sit ne

sacerdotem, qui aliquibus momentis ante illam martyrium suscepit,

videret, forti animo respondit se non timere ut innocentem moriturum

inspiceret. Carnifici, qui impie ei velum detracturus erat, dixit: ''Nullus

homo me tetigit umquam'', hoc modo demonstrans, uno tempore, fidem et

virginitatem suam.

Margarita Metis (Divoduri) die 23 Aprilis anno 1736 nata est, pueritiam et

iuventutem in magnanimo, obsequenti ac pio familiae munere degit. Fere

anno duodevicesimo aetatis suae clare percepit magnum desiderium Domino

consecrandi vitam, et consilium ingrediendi in Sodalitium Sororum Filiarum

a Caritate familiae nuntiavit; sed aegre exspectavit expletionem vicesimi et

unius anni, priusquam pater eius ut ea ad postulandatum proficisceretur

permitteret, quod autem Margarita in valetudinario Sancti Nicolai Metensis

explevit. Confecto hoc tempore, tribus mensibus postea, iuvenis soror perve-

nit ad domum maiorem Filiarum a Caritate iuxta Lutetiam Parisiorum, ad

cursum institutionis explicandum, ostendens suam consecrationem ad pau-

perum ministerium secundum consilium et afflatum Sancti Vincentii de Paul.

Exacto hoc tempore, soror Margarita a Congregatione nova mandata accepit

iuxta plurima valetudinaria in Gallia, in quibus optime ministerium suum

erga aegrotos exsecuta est praecipue in magnis oppidis Pali, Setii Promon-

torii, Augustodoni, Brestiae, Calonesi, Fontis Bellaquei, Blaviae, Trecassium,

in quibus constanter omnibus aegrotis cuiusvis sortis assidebat.

Sed Aquarum Augustarum in valetudinario (non longe ab oppido Podii

Sancti Vincentii in quo ipse Sanctus Vincentius natus erat), Dominus eam

exspectabat ut ad martyrium ea feliciter destinaretur. Episcopus illius loci,

duobus valetudinariis coniunctis, ut curam illius loci susciperent petiit alias

Sorores Filias a Caritate, quae autem Aquis Augustiis iam ab anno 1712

Acta Apostolicae Sedis - Commentarium Officiale604