Congregatio pro Episcopis 621

Quibus super rebus praesens edi iussit Decretum per Apostólicas sub

plumbo Litteras expediendum.

Datum Romae, ex aedibus Congregationis pro Episcopis, die 1 mensis

Iunii anno 2011.

Marcus S.R.E. Card. Ouellet

Praefectus

e Monteiro de Castro Emmanuel

Archiep. tit. Beneventensis

a Secretis

Prot. N. 731/2009

II

SANCTI SALVATORIS IN BRASILIA

de dismembratione et erectione dioecesis

CAMASSARIENSIS

Ad satius consulendum spirituali bono christifidelium, Em.mus P.D.

Gerardus Maiella S.R.E. Card. Agnelo, Archiepiscopus Sancti Salvatoris in

Brasilia, audita Conferentia Episcoporum Brasiliensi, ab Apostolica Sede

enixe postulavit ut, ecclesiasticae circumscriptionis sibi concreditae dismem-

brato territorio, nova exinde erigeretur dioecesis.

Summus Pontifex BENEDICTUS, Divina Providentia PP. XVI, praeha-

bito favorabili voto Exc.mi P.D. Laurentii Baldisseri, Archiepiscopi titularis

Diocletianensis et in Brasilia Apostolici Nuntii, de consilio Congregationis

pro Episcopis, preces ad Se admotas animarum saluti valde profuturas

censuit benigneque excipiendas decrevit.

Quapropter, de plenitudine Apostolicae potestatis, ab archidioecesi Sancti

Salvatoris in Brasilia distrahit territorium, prout in praesens lege civili

circumscribitur, municipiorum vulgo nuncupatorum: Camaçari, Candeiais,