Congregatio de Causis Sanctorum 599

humiliter rogavit ut in Ordinem exciperetur Carmelitarum. Simplici potissi-

mum humilique vitae ratione eminuit. Qui die 14 mensis Augusti anno 1936

est necatus.

Servus Dei Petrus Velasco Narbona die 12 mensis Octobris anno 1892 in

loco v.d. Minas de Riotinto prope Onobam est natus. Cognitis Fratribus

Carmelitis, desiderium sensit consecratam vitam amplectendi. Anno 1933

veluti postulans in Ordinem apud communitatem in Osuna est acceptus;

deinde translatus est ut operam sutoris exerceret, in communitate Hinojosa

del Duque, ipsa in urbe in qua die 14 mensis Augusti anno 1936 martyrium

subiit.

Servus Dei pater Iosephus M. Mateos Carballido die 19 mensis Martii anno

1902 in loco v.d. Encinasola prope Onobam ortus est. Religiosa nuncupavit

vota atque die 19 mensis Decembris anno 1925 presbyter est ordinatus.

Expletis variis muneribus, pater Iosephus nominatus est Prior conventus,

nuper fundati, in Montoro. Statim diffusa est fama religiosi diligenter

observantis et zelantis praedicatoris, constanter attenti et sensibilis erga

pauperum necessitates. Die 22 mensis Iulii anno 1936 in custodia Montoro

martyr occubuit.

Servus Dei pater Eliseus M. Durán Cintas natus est die 25 mensis Novem-

bris anno 1906 in loco v.d. Hornachuelos, prope Cordubam. Laetae indolis et

hilaris fuit; in Ordinem ingressus, die 21 mensis Maii anno 1932 presbyter est

ordinatus. Peculiari eminuit simplicitate, quam potissimum in educandis

iuvenibus demonstravit. Ille etiam die 22 mensis Iulii anno 1936 in custodia

Montoro est occisus.

Servus Dei frater Iacobus M. Carretero Rojas in loco v.d. Villaviciosa

Cordubae die 27 mensis Aprilis anno 1911 est natus. Exceptus apud sodales

Carmelitas, ordines accepit minores lectoratus et ostiariatus atque religiosa

nuncupavit vota. A multis suis confratribus amabatur et « parvus sanctus »

considerabatur ob extraordinarias virtutes, peculiari modo ob profundum

fervorem magnamque oboedientiam. In custodia Montoro die 22 mensis Iulii

anno 1936 est occisus.

Servus Dei frater Raimundus M. Pérez Sousa in loco v.d. Feás, prope

Auriam, die 1 mensis Augusti anno 1903 ex familia omnino indigenti natus

est. Unius et triginta annorum aetatis in Ordinem Carmelitarum ingressus est