Congregatio de Causis Sanctorum 605

sedem haberent. Illo tempore, Soror Rutan, quadragesimum et tertium

annum aetatis suae agens, experientia viginti et duo annorum tam vitae

consecratae quam copiosi ministerii plurimis et magnis in oppidis totius

Regni valebat.

Hoc in loco, illa magno animo et generose scientiam et experientiam suam

profudit, gubernantium, aegrotorum et fere totius civitatis Aquarum

Augustarum, admirationem necnon magnam existimationem movens.

Sed condicio, incipiente illa Gallica Civili Perturbatione, magis magisque

gravis et intolerans erga sorores, sacerdotes et ipsos christianos evasit. Die 3

Octobris anno 1793 omnes sorores inservientes in valetudinariis et scholis

iurare pro novis rebus publicis aut ministerium dimittere coactae sunt.

Filiae a Caritate in valetudinario Aquarum Augustarum iusiurandum

recusaverunt; soror Rutan accusabatur quod ipsa corrumperet et relaxaret

sua civica neglegentia animum rerum publicarum eversionis et imperii

popularis militum, qui in valetudinariis curabantur.

Consilium salutis publicae accusationes sustinuit et eam declaravit

odiosam Patriae, adversariam tam principiis rerum novarum quam

civitatis, superstitiosam et nobilitatis fautricem. Post haec, die 24

Decembris anno 1793 Soror Margarita in vinculis comprehensa est. Post

quattuor menses captivitatis Margarita, una cum sacerdote Lannelongue

comite martyrii, ad consilium salutis publicae ut accusatio legeretur

producta est. Serva Dei, illigatis in tergo manibus, invicem in dorso fune

astricta est una cum sacerdote Ioanne Eutropio Lannelongue ita ut vir et

uxor omnibus viderentur. Cum primum ad patibulum pompa se movit,

statim Soror Margarita ''Magnificat'' canere incepit; ad martyrium

amaritudine cordis sed conscia divinam voluntatem efficiendi accessit. Erat

autem pomeridianum tempus diei 9 mensis Aprilis anno 1794. Certo incessu

gradus guillotinae machinae scandit; deinde, flexis genibus, caput submisit

omnino parata ad letalem plagam accipiendam.

Statim post mortem martyrii fama Servae Dei consolidata atque

annorum decursu aucta est. Quamobrem Processus Ordinarius

Informativus intra annos 1907 et 1908, deinde Processus Apostolicus ab

anno 1916 ad annum 1922 celebrati sunt, quibus accessit Inquisitio

dioecesana apud Curiam Aturensem et Aquarum Augustarum ab anno

1995 ad annum 1997. Cuius iuridica validitas per Decretum huius

Congregationis de Causis Sanctorum diei 17 mensis Octobris anno 1998

approbata est. Sed, cum haec Causa longum tempus conquiesceret, die