Congregatio pro Episcopis 619

CONGREGATIO PRO EPISCOPIS

DECRETA

I

AURATOPOLITANAE

de dismembratione et erectione dioecesis

NAVIRAIENSIS

Ad satius consulendum spirituali bono christifı́delium, Exc.mus P.D.

Redovinus Rizzardo, C.S., Episcopus Auratopolitanus, audita Conferentia

Episcoporum Brasiliensi, ab Apostolica Sede enixe postulavit, ut,

ecclesiasticae circumscriptionis sibi concreditae dismembrato territorio,

nova exinde erigeretur dioecesis.

Summus Pontifex BENEDICTUS, Divina Providentia PP. XVI, praeha-

bito favorabili voto Exc.mi P.D. Laurentii Baldisseri, Archiepiscopi titularis

Diocletianensis et in Brasilia Apostolici Nuntii, de consilio Congregationis

pro Episcopis, preces ad Se admotas animarum saluti valde profuturas

censuit benigneque excipiendas decrevit.

Quapropter, de plenitudine Apostolicae potestatis, a dioecesi Auratopoli-

tana distrahit territorium, prout in praesens lege civili circumscribitur,

municipiorum vulgo nuncupatorum: Naviraı́, Anaurilândia, Angélica, Bata-

guassu, Batayporã, Eldorado, Iguatemi, Itaquiraı́, Ivinhema, Japorã, Jateı́,

Juti, Mundo Novo, Nova Andradina, Novo Horizonte do Sul, Paranhos, Sete

Quedas, Tacuru et Taquarussu, atque ex ita distracto territorio novam

dioecesim, Naviraiensem appellandam, erigit ac constituit.

Huius novae dioecesis sedem in urbe vulgo nuncupata Naviraı́ idem

Summus Pontifex statuit, templumque paroeciale, ibi exstans, Deo in

honorem «Dominae Nostrae de Fatima » dicatum, ad gradum et dignitatem