Congregatio de Causis Sanctorum 597

ACTA CONGREGATIONUM

CONGREGATIO DE CAUSIS SANCTORUM

CORDUBENSIS

Beatificationis seu Declarationis Martyrii Servorum Dei Carmeli Mariae Moyano

Linares et IX Sociorum, ex Ordine Carmelitarum ({ 1936)

DECRETUM SUPER MARTYRIO

« Ita ut et nos ipsi in vobis gloriemur in ecclesiis Dei pro patientia vestra

et fide in omnibus persecutionibus vestris et tribulationibus, quas sustinetis »

(2 Thess 1, 4).

Verba apostoli Pauli vitam mortemque Servi Dei Carmeli Mariae Moyano

Linares eiusque Confratrum Carmelitarum illustrant: ii, revera, fidei causa

persecutiones sustinuerunt, sed eiusmodi vexationes et terrores numquam

eorum immensam erga Christum fidelitatem eiusque Ecclesiam minime

vulnerarunt.

Ambitus in quo pater Carmelus vixit, forti religionis odio eminebat. Illa

enim aetate Hispania, primo dimidio XX saeculi, fortiter coacta fuit rei

politicae causa adversus religionem christianam, quae publici cultus exerci-

tium totaliter coartavit et, per leges persecutionesque, in votis erat Ecclesiam

in Hispania omnino delere. Quocirca non raro conventus igni consumebantur,

imagines sacrae destruebantur; adversus religiosos calumniae, discriminis

et persecutionis formae, veri et proprii actus violentiae erga sacerdotes et

religiosos movebantur.

Hoc in rerum contextu, qui hostiliter grassabatur in religionem, pater

Carmelus eiusque Confratres mortem invenerunt, omnes scilicet sodales

Ordinis Carmelitarum in provincia Cordubensi.

Eorum apostolatus praesertim intendebatur ad instituendos iuvenes pro-

fessos et candidatos ad vitam consecratam, praeter puerorum educationem

scholae primariae.