Acta Apostolicae Sedis - Commentarium Officiale614

sociis vota emisit, nomen religiosum sumens Mariae. Quod principium exstitit

Congregationis Sororum Sancti Casimiri, cuius praecipue fuit sacerdotibus

Lituanis in opere navando pro eadem ex patria migrantibus subvenire. In

novo Instituto Maria anno 1913 constituta est prima Superiorissa Generalis,

quo munere usque ad ultimum diem functa est.

Deinde, Sorores Sancti Casimiri in Lituaniam Episcopus Kaunensis devo-

cavit et Serva Dei, hanc libenter accipiens invitationem, in vico Pazaislis

domum fundavit. Insequentibus annis, novus autem Episcopus Kaunensis

propositum communitatis Sororum Lituanae ab Americana seiungendi adeo

persecutus est, ut iam, pluribus invitis conatibus mediationis, colloquiis

atque Visitatoris Apostolici intercessione, uterque Instituti stipes adiungi

non posset et Sancta Sedes definitivam duarum Congregationis partium

secessionem censere cogeretur.

Haec omnia, etiamsi dolenda lugendaque admodum, iuvenis Congregatio-

nis impetum nihil inhibuerunt, quae, praesertim in Civitatibus Foederatis

Americae Septentrionalis, ita praestanter profecit, ut Soror Maria innumera

et multifaria apostolica opera etiam in paroecias non Lituanas proferre ac

disserere valeret.

Totam per vitam Serva Dei miris virtutibus suis, evangelica perseverantia

et firma fidelitati vocationis fulsit, quas aevo religionis neglegentia atque

immanitate belli penitus conformato ostendit. Extraordinaria humanitate

praedita, interioris hominis veritatis investigationem, infinitam divinae

Providentiae fiduciam atque integram suipsius oblationem pro amore Domini

tamquam summam conversationis suae iugiter conicere valuit.

In negotiis fundatricis gerendis, Maria dissensiones atque humiliationes

perpessa est, sed, profundae pietatis erga Verbum incarnatum et constantiae

divino consilio suffultae gratia, praecipuae vocationi, quam Dominus ei com-

miserat, semper adhaesit: variis enim in adiunctis numquam praetermisit

quin humanum ac spirituale auxilium migrantibus suppeditaret et de fide

per institutionem catholicam propaganda caveret.

Anno 1993, Soror Maria comperit se gravi ossorum tumore correptam

esse. Reliqua parte vitae, igitur, vexationibus eminuit et praesertim firma

conscientia inceptus cuiusque spiritualis dolorem necessitudinem et principa-

tum tenere. Serva Dei die 17 mensis Aprilis anno 1940 Chicagii de domicilio

huius mundi pie excessit.

Ob sanctitatis famam, Causa Beatificationis et Canonizationis apud Cu-

riam Archiepiscopalem Chicagiensem inita est per celebrationem a die 12