341. De s. Thoma Cantaariensi.

1 a. Inter templum et altare
Zachariam trucidare,
Tantum scelus iterare
Manus audet impia ;

1b. Helisaeum decalvare,
Templi super liminare
Non formidat conquassare
Patrem mactans Anglia.

2 a. Rachel redit ad lamentum,
Nam post luctum innocentum
Innocentis per tormentum
Sequitur maestitia.

2 b. Templi rubet pavimentum
Sparso sanguine cruentum ;
Fel Anglorum in pigmentum
Dulcis vertit Francia.

3 a. Qui sacrabat, consecratur,
Immolator immolatur,
Mensae Christi praesentatur
Pinguis talis hostia.

3 b. Thomas victor coronatur
Et in pace gloriatur,
Nuntiata conferatur
Nobis pax et gloria.

842. De s. Thoma Cantuariensi.

1 a. Laetos lira movet sonos,
Absit ira, laetus honos
Decet istum.

1b. Magnus egit, quod est magnum,
Cum elegit Thomas agnum
Sequi Christum.

2 a. Dam recordor

Thomae magnalia,
Dum contemplor
eum per omnia,
Dum fide metior,

3 b. Thomas iste,

quo floret Anglia,
Thoma summo,
quo floret India,
Non est inferior.

3 a. Nullus inde

miretur sciolus,
Quod hic martyr,
quod hic apostolus
Me iungantur iudice:

3 b. Cum videret,

hic fidem distulit,
Hic se Thomas
tormentis obtulit
Fide tantum indice.

4 a. Habent quoddam pares satis
Inter signum paritatis
Mortis suae termino,

4 b. Nam natali mediante
Die quinta post et ante
Moriuntur Domino.

5 a. Cum rideret Thomaemundus,
Erat quasi rex secundus
Vices habens regias,

5 b. Hic se tamen a mundanis

Avertebat quasi vanis

Regnaturus alias.

6 a. Digniori

potens officio
Praeminebat
regis palatio
Maior magnis,

6 b. Relegatus

idem exsilio
Debellabat
carnem cilicio
Septem annis.

7 a. Hos per annos orba flevit
Et maeroris assuevit
Cantum Cantuaria;

7 b. Eo tandem revocato,
Pacis statu reformato,
Respirant Anglia.

8 a. Uti lima

coepit mordacius
Thomas in reditu,

8 b. Arguebat

reos intentius,
Dignos interitu.

9 a. Erat enim

primatu dignior
Anglorum maximus,

9 b. Fide gratus,

adfatu gratior,
Vita gratissimus.

10 a. Intus erat eremita,
Regularis foris vita
Praetendens canonicum,

10 b. Erat enim forma seni,
Praeter ipsum non inveni
Cucullatum clericum.

11a. Fecit, quod docuit,
Cunctis se praebuit
Sic imitabilem,

11b. Legi, quam protulit,
Murum se praetulit
Inexpugnabilem.

12 a. Occurrunt impii,
Malorum nuntii,
Vir videt inclitus;

12 b. Temptatur subici,
Non potest deici,
Manet interritus.

13 a. Ad altare Benedicti
Benedictum maledicti
Prosequuntur exsulem,

13 b. In tam sacra domo Dei

Vita privant iustum rei

Peccatores praesulem.

14 a. Thomas occubuit,
Sed non succubuit
Persecutioni,

14 b. Vinci non potuit,
Victor praevaluit
Anglico leoni.

15 a. In corona tantum caesus,
Praeter ibi nusquam laesus,
Hac in parte patitur ;

15 b. Argumentum est coronae,

Quam das ei, Iesu bone,

Quod corona premitur.

16 a. Das coronam pro corona,
Renovatur haec persona,
Nihil habet exsulis.

16 b. Quod hic martyr coronatur,
Infinitis declaratur
In brevi miraculis.

17 a. Salve, Thoma sic salvatus,
Salutanti salutatus
Da salutis gaudia,

17 b. Placens Deo placa Deum
Tuis tuum, reddens eum
Mediante gratia.