163. De beata Maria V.

1 a. Vale, aula virginalis,
Cum maiestas hic regalis
Dignatur descendere;

1b. Opus hoc est trinitatis,
Solum cunctis quod beatis
Dat beate vivere.

2 a. Aula mater est intacta,
Sicut templum fabrefacta,
Quo non sonat malleus ;

2 b. Ibi sceptrum, rex, corona,
Vitae panis est annona
Liquorque nectareus.

3 a. Terra namque dedit fructum,
Cor confirmat, solvit luctum,
Reddit fructus gaudium ;

3 b. Hoc figurat Ruth in messe,
Caleph botrus, virga Iesse
Nucisque mysterium.

4 a. A fructu tritici,
vini et olei
Multiplicata est
iam virtus fidei

4 b. Regis praedivitis

haec sunt donaria,
Qui nostrae usus est
carnis substantia.

5 a. Ipse granum, ipse panis,
Botrus et nux non inanis,
Ipse solus omnia,

5 b. Quo referta fuit cella,
Dei mater, maris stella,
Mater plena gratia.

6 a. Hanc flos ornat castitatis,
Angelorum puritatis
Cognata virginitas,

6 b. In qua res est gratiosa,
Mitis, dulcis et iocosa,
Tam typus quam veritas.

7 a. Rubus non uritur,
Vellus compluitur,
Sol retrofiectitur,
Et pecus loquitur,
Anus fit gravida.

7 b. Fons novus oritur.
Fanum destruitur,
De petra bibituri
Propheta pascitur,
Mitescit rabida.

8 a. Fornax cedit
Et non laedit,
Sed oboedit
His, quos credit
Mori de incendio.

8 b. Manna datur,
Hinc creatur
Et formatur,
Quo signatur

Haec nova creatio.

9 a. Adae plasmatio,
Arcae constructio,
Iordanis siccitas,

9 b. Fiscellae ratio

Signant te novitas.

10 a. Sal respergit fontem totum
Et camelis fessis potum
Dat Rebeecae hydria,

10 b. De conceptu Sara ridet,
Se calcari serpens videt,
Canit tympanistria.

11 a. Aeri serpens similatur,
Sputo lutum temperatur,
Cherubimque obumbratur
Propitiatorium.

11b. Muliere vir ambitur,

Porta clausa pertransitur,
Gigas currit, via scitur,
Floret vallis lilium.

12 a. Sol sub nube non densatur,
Horto clauso fons signatur,
Sine manu mons secatur,
Stella solem praeconatur,
Sol de stella rutilat.

12 b. Statpraesaepe foeno plenum,
Christi corpus tam serenum
Nobis cibum dat amoenum

Sic cor ad hoc vigilat.

13 a. Ad honorem tuum iure
Famulantur hae scripturae,
Sit de nobis tibi cura,
Pia virgo, mater pura,
Ut simus in gloria.

13 b. Ubi nec cras nec hesternum,
Ubi semper hodiernum,
Ubi salus, ubi vita,
Ubi pax est infinita,
Ubi Deus omnia.