179. De Sancto Achatio.

1 a. Regi caeli iubilemus
Melo, fibris hymnizemus
Et cum turma exsultemus
Decem milium militum.

1 b. Hos lictores invaserant,
Bis tres reges adhaeserunt,
Adriano persuaserunt

In necem horum martyrum.

2 a. Hermolaus,
Pater sanctus,
Horum ductor,
Felix rector,
Divus praesul,
Cum his exsul
Hos instruxit fideliter:

2 b. Este fortes,
En, consortes,
O athletae,
Votis laete
Mundi regna
Dispernenda,

Triumphate viriliter.

3 a. Gentes regum dis libarunt,
Quod hi sancti recusarunt
Et profana praedicarunt
Fore haec daemonia.

3 b. Impudici machinantur,
Sancti viri animantur
Nec terrore alterantur
Anhelantes gaudia.

4 a. Torti sunt iuxta Ararath
Fronde denso cum immenso,

4 b. Acutierum fulmine

Quas immanitas pararat.

5 a. Crucem tollunt abs terrore,
Spineis sunt coronati.

5 b. Christum fantur sin horrore,
Astra petunt laureati.

6 a. Solis fulgur dirimitur,
Lunae splendor discerpitur,
Stellis color diruitur
Per poenas livoratas.

6 b. Petrae quatiuntur scissuras
Per immensas infixuras
Inflictas piis duras
Crudeliter sauciatas.

7 a. Fel, acetum sumunt potum,
Morientes petunt votum,
Quod caelitus promittitur
Per voces angelorum:

7 b. Ut orastis, impetrastis,
Vestri vernae perserventur,
Diva luce perfruentur
Cum thronis supernorum.

8 a. Hi, qui pressuras tolerant
Perturbiis se macerant,

8 b. Perpessi mala suspirant,
Caelestia opimant.

9 a. Terrae motus vergit magnus,
Aeraque nigrescunt,

9 b. Tollunt plagas quasi agnus,
Poenae rubore tremescunt.

10 a. Et omnia supplicia

Infideles per Iudaeos
Tulerunt hi, similia

Quae passus est homo Deus.

10 b. Venerantes passionis

Denorum mille meritum
Exsilient interitum
In statera agonis.

11a. Hi pro Christo trucidati,
Fragra fide adunati,
Flagris sertis coronati
Mansione siderea.

11 b. Horum ob alta praemia,
O Alpha, nos salvifica
Et pelle fel, da tuum mel,
Ut perlustremus trivida

12. Per infinita

saeculorum saecula.