208. De sancto Bartkolomaeo.

1. Psallat, concinat vox
Eia.

2 a. Sion sancta
Laetabunda

Promat Christo cantica ;

2 b. Cleri chorus
Christi totus
Pangat vocis organa;

3 a. Plebs devota
Mente tota

Sumat haec sollemnia;

3 b. Omnis coetus
Rite laetus

Plaudat in laetitia,

4 a. Venerando
Et laudando

Superna magnalia.

4 b. Praesens festum
Omne maestum
Pellat ab ecclesia ;

5 a. Quo Bartholomaeus,
Summi Dei servus
Subiit caelestia,

5 b. Sicut orbis totus
Christi morte lotus
Credit fide sobria.

6 a. Iste Christi nomen
Portans verbi lumen
Diffudit in India.

6 b. Per hunc universa

Plebs ibi conversa

Dereliquit idola.

7 a. Astaroth immundus
Quasi verecundus
Amavit silentia;

7 b. Auxit turba poenas
Ferro secans venas,
Quassa fuit victima.

8 a. Berith nondum mutus,
Sed vix tamen tutus
Dat missis indicia;

8 b. Post carnis candorem
Et vestis nitorem
Signa pandit propria:

9 a. "Vox est", inquit, , quasi
tuba,
Mediocris est statura,
Ante lustra quinque facta
Integra sunt sandalia,

9 b. Nasus aequus, nigra coma;
Quae praedico vobis verba,
Iam praenovit arte mira,
Sic mens eius est prae-
scia".

10 a. Daemon vociferans,
Per turbas properans
Nec sibi moderans
Senatorem nominat.

10b. Vox apostolica.

Confundens hostica
Virtute caelica

Spurcum hinc eliminat.

11a. Mox regalis filia
Sedata saevitia
Redditur innoxia;

11b. Astaroth corruerat,
Fidem rex acceperat,
Baal casum fecerat.

12 a. Diri pectus Astriagis
Torquetur invidia
Propter deos furens magis
In sancti supplicia ;

12 b. Christi carum condemnavit,
Immittit ferocia,
Diu caesum mox necavit
Colla truncans placida.

13 a. Athleta fortissime,

Nostras voces suscipe
Assumptus in aethera.

13 b. Pietate solita

Te poscentes adiuva
Conscendere supera,

14 a. Ubi Christo perennia
Solvamus praeconia,

14 b. Cui cum patre gloria
Semper est per saecula.

15. Amen dicant omnia.