330. De sancto Sigismundo.

1a. O fons summae pietatis
Et immensae bonitatis
Ex alto scaturiens,

1b. Qui per tuos rivos dulces
Suaviter cuncta mulces,
Omnia parturiens.

2 a. Cuius impetus iucundus,
Suavis, clarusque mundus,
Summa cum laetitia

2 b. Consolatur civitatem
Dei, dans iucunditatem
Remota tristitia.

3 a. Cuiusque felix dulcedo
Totum orbem, sicut credo,

Mederi non desinit,
Sicut medicus fidelis
Omnes morbos cum medelis

Medetur et perlinit.

3 b. Quod aperte nos videmus,
Quia sanctos, quos tenemus

Apud nos reconditos,
Sacris rivis sic inundat,
Ut per totum orbem fundat
Recreando perditos.

4 a. In quorum tam sancto grege
Lucet speciali lege

Sigismundus clarissimus

4 b. Ut David inter prophetas,
Signorum nec habens metas
Prudens sicut Salomon.

5 a. Qui de longe quaerebatur,
Nam sic hic rex visitatur,
Pulcher velut Absalon ;

5 b. Cuius decorem mirantur
Caeli, terra et laetantur
Eius pulchritudine.

6 a. Ceu Samson hic vere fortis,

Quia de inferni portis

Huius fortitudine

6 b. Plures animae solvuntur
Paradiso et redduntur
Ipsius precamine.

7 a. Membra fere morti data
Iam cernuntur recreata
Eius medicamine,

7 b. Non est morbus, quem non
curet,
Dum morbosus fide duret
Postulans auxilium.

8 a. Tristes atque conturbatos
Necnon paupertati datos
Per mundi exsilium

8 b. Tam benigne consolatur,
Quia quisquis reformatur
Liber a tristitia.

9 a. Languor ullushuncnonlaedit,
Sed ad sua laetus redit,
Quando vita tristis cedit
Crescente laetitia.

9 b. Ob hoc rex et martyr Christi,
Sigismunde, genti tristi
Opem fer, ut consuevisti,
Solando clementius.

10 a. Hostes cunctos procul pelle,
Qui dant potum mixtum felle
Et laedunt ardentius 5

10 b. Sicut stuppa transit igne,
Hos consume, martyr digne,
Tuis sanctis precibus.

11 a. Ut omnino conterantur

Et hi, quibus adversantur,
Feliciter eruantur
Ab inferni necibus.

11b. Ut tui servi securi,
Tibi semper placituri,
Casti possint atque puri
Parere decentius.

12 a. Iuva gregem hoste victum
Nostrumque dele delictum,
Ut adversus mundum fictum
Ineuntes nos conflictum,
Obtenta victoria,

12 b. Post istius mundi cursum
Dirum vincientes ursum,
Mereamur ferri sursum,
Ubi coronemur rursum
In aeterna gloria.