SERMO LII.

IN DEDICATIONE ECCLESIAE.

Dominus in templo sancto suo : sileat a facie ejus omnis terra. Habac. ii, 20.

Nota quod quadruplex est templum Domini:

I Uterus virginalis,II. Ecclesia materialis,

III. Anima fidelis,VI. Mansio supercoelestis.

In primo fuit per carnis nostrae assumptionem. In secundo fuit per Passionis sua repraesentationem. In tertio est per gratiae infusionem. In quarto est per piam Sanctorum glorificationem.

I

De primo dicitur : Dominus in templosancto suo, scilicet per carnis nostras assumptionem. Vere jure laetari debuisset, qui Dominum vidisset in templo. Unde Elisabeth, et Joannes puerulus, necdum natus laetantur : quia Dominum in hoc templo esse cognoverunt. Unde Bernardus : " Valde quidem, Domine, humi-

"liaris, nimis absconderis, sed Joannem "latere non poteris. Nonne ipse est, qui " per maternum uterum te nondum natus " agnovit ? Nonne ipse est, qui utriusque " parentes materni uteri agnovit: et quia "turbis clamare non potuit, saltem matt trem suam exsultans edocuit ? " Unde Luc. I, 43:Unde hoc mihi ut veniatmater Domini mei ad me ?

Hoc templum factum fuit per omnimodam puritatem. Unde Bernardus : " Quae Angelica puritas illi virginitati au" deat comparari, quae digna fuit sancti " Spiritus sacrarium fieri Dei et habita-" culum Filii ? " Unde loquitur de hoc templo Pater ad Filium, Malach. III, 1 : Ecce ego mitto Angelum meum, id est, Gabrielem, et praeparabit viam ante faciem meam, id est, qui virgineum requiret consensum. Et convertit ad Patriarchas et Prophetas sermonem dicens : Et statim veniet ad templum suum, id est, in Virginem Mariam, Dominator quem vos quaeritis, ut carnem vestram induat. Unde Isa. XVI, 1 : Emitte agnum Domine dominatorem terras, de Petra deserti, id est, de eminentia paterni sinus, ad montem filiae Sion, id est, Ecclesiae militantis. Sequitur, Malach. III, 1 : Et angelus testamenti, quem vos vultis, ut videlicet intercedat pro vobis. Unde Job. xxxiii, 23 et 24 : Si fuerit pro eo Angelus loquens, unus de millibus, ut annuntiet hominis aequitatem : miserebitur ejus.

II.

De secundo dicitur : Dominus in templo sancto suo, scilicet per Passionis suae rcpraesentalionem. Unde : " Hoc quoties-" cumque feceritis, in mei memoriam fa-" cietis ." Laetetur ergo a facie velaminis ejus omnis terra. Si pannos Domini, quibus velatus fuit et tactus, dum jace-

Cf. I ad Corinth. XI, 24 et seq.

ret in cunis, homines desiderant intueri: quare formam illam panis, sub qua tegitur ipse Dei Filius, manens in sinu Patris, libentius non intuerentur ? Unde Gregorius : " Quis fidelium dubium ha-" bere possit in ipsa immolationis hora " ad Sacerdotis voce.m coelos aperiri, in " illo Jesu Christi ministerio Angelorum " choros adesse, ima summis sociari, " terram coelestibus jungi, unum quidem " de visibilibus et invisibilibus fieri? "

III.

De tertio dicitur : Dominus in templo sancto suo id est, in anima fideli. Si recepisses divitem et benignum hospitem in domum avorum tuorum,merito laetareris: quare potius non lactaris, cum recipis Dominum in domum cordis tui, qui est benignissimus, et omnium gratiarum affluentissimus ? Unde dicit Dominus ad Augustinum : " Cibus sum grandium, " cresce, et manducabis me : nec tu me " mutabis in te, sicut cibum carnis tuae, " sed tu mutaberis in me. " Cum cibus quem comedo, in me mutatur, caro et sanguis efficitur: ergo cum hic comedens panem et vinum, in ipsum commutor, Deus quodam modo efficior.

Ad recipiendum in hoc templum, necesse est esse mundum. Unde I ad Cor. III, 17 : Si quis violaverit templum Dei, disperdet illum Deus. Disperdet, id est, diversimode perdet,vel in diversa perdet. Sed quomodo debet sanctificari ? certe per aquam reconciliationis, hoc est, per lacrymosam confessionem et humilem : unde in Psal. l, 9 : Asperges me Domine hyssopo. Bene dicis,lavabis me: quia, ut dicitur, jus novum ab alio non potest reconciliari, nisi ab ipso.

IV.

De quarto etiam dicitur : Dominus in templo sancto suo, videlicet, in pia Sanctorum glorificatione. Quod attendens Moyses, Exod. xxxiii, 18 et 19, orabat dicens : Ostende mihi gloriam tuam. Cui respondit Dominus, dicens : Ego ostendam omne bonum tibi. Quasi dicat : Ego ostendam tibi faciem meam, in qua.

omnc quod bonum est, simul invenies. Unde et Jacob exsultans clamat, Genes. XXXII, 30 : Vidi Deum facie ad faciem, et salva facta est anima mea. De hoc templo etiam dicit Psal. XXVII, 9 : In templo ejus omnes dicent gloriam.

Nota, quod quatuor genera hominum merito possunt laetari a facie Domini. Primi sunt, qui eum non offenderunt. Secundi sunt, qui eum intime diligunt. Tertii sunt, qui eum filialiter timent. Quarti sunt, qui ei diligenter serviunt.

Sileat a facie ejus omnis terra, etc.