SERMO XXX.

IN EODEM FESTO S. LAURENTII.

Amen, amen dico vobis, nisi granum frumenti cadens in terram, mortuum fuerit, ipsum solum manet: si autem mortuum fuerit, multum fructum affert. Joan. xii, 24 et 25.

Tria sunt hic notanda :

I. Quid per granum frumenti intelligatur? II. Quomodo hoc granum frumenti moriatur ? III. Quis fructus ex hoc grano frumenti proferatur ?

I.

De primo nota, quod per granum frumenti ipse Christus Dei Filius, et Beatus Laurentius, necnon et quilibet Christianus intelligitur. Et hoc propter quinque, videlicet propter grani candorem, ruborem, fissuram, virtutem, et dignitatem.

I. Nota igitur primo, quod granum frumenti, id est, tritici, est candidum in- terius, et candidus panis ex eo conficitur. Sic et Christus candidus fuit per omnimodam vitas munditiam: unde Sap. vii, 26: Candor est lucis aeternse, et speculum sine macula Dei majestatis. Unde propter incomparabilem vitae candorem datum est ei a Patre, ut sedeat super thronum candidum, et judicet omnes fines terras. Hinc dicitur Apocal. xx, 11 et 12: Vidi thronum judicialem magnum candidum : quia magna sententia ibi datur, et unusquisque candor ibi requiritur, et sedentem super eum Christum, a cujus conspectu fugit terra, et collum, propter faciei ejus severitatem, et incomparabilem ccelestibus et terrestribus claritatem,

et locus non est inventus eis, in quem judicium Dei effugerent. Et vidi mortuos magnos, et pusillos, id est, nobiles et ignobiles, vel divites et pauperes, stantes in conspectu throni, et libri conscientiarum aperti sunt : et alius Liber, qui est vitae, apertus est, id est, Christus qui ostendet ibi cicatrices quinque vulnerum suorum : et judicati sunt mortui ex his, quae scripta erant in libris secundum opera ipsorum.

Candidus etiam fuit Beatus Laurentius per vitae puritatem. Unde etiam cantatur de eo, " quod puritate innocentis " vita?-, fortissimaque mortis triumpho, " Apostolico se consortio sociavit. "

Debemus etiam et nos candidi esse per cordis puritatem, et corporis castitatem. Legitur etiam, Apoc. XIX, 7 et 8 : Venerunt nuptias Agni, et uxor ejus praep aravit se. Et datum est illi ut cooperiat se byssino splendenti, et candido. Sponsa Agni est fidelis anima, quas oportet ut se cooperiat byssino splendenti et candido, id est, munditia mentis et corporis, ut sit digna recipi in felices amplexus illius immaculati Agni, videlicet Jesu Christi : si hoc non fecerit, non erit sponsa Agni, sed sponsa draconis. Eccle. IX, 8: Omni tempore sint vestimenta tua candida.

II. Secundo nota, quod granum tritici quodammodo rubet extrinsecus : sic et Christus rubuit in Passione. Unde sponsa in Cant. v, 10 : Dilectus meus, inquit, candidus et rubicundus.

Beatus etiam Laurentius ruborem habuit grani triticei. Ipse quippe toto corpore martyrium forti patientia toleravit, sicut optime patet in legenda sua.

Debemus etiam et nos rubicundi esse per fidem et memoriam Dominicas Passionis. Unde dicunt Christo Angeli, Isa. xxiii, 2 : Quare rubrum est indumentumtuum, et vestimenta tua sicut calcantium in torculari? Vestimenta Domini, quibus ipse in gloria in conspectu Patris vestitur, sunt omnes boni Christiani. Haec vestimenta debent esse rubra per fidem, et jugem memoriam Dominicas Passionis. Debent etiam boni Christiani sitire martyrium : quia hoc est, ut dicit Hieronymus, " vera compensatio, ubi sanguis " sanguine compensatur. " Heu 1 multi sunt, qui etiam ab insanis vanitatibus, id est, a choreis nolunt abstinere propter reverentiam sanguinis Jesu Christi. Quomodo tales cum Christo, et pro Christo, probra et contumelias et saeva corporis supplicia paterentur? Bubri etiam erimus, si pallia animarum nostrarum in sanguine uvae, id est, in sanguine Christi lavemus: unde Gen. xlix, 11: Lavabit in vino stolam suam, et in sanguine uvae pallium suum.

III. Tertio nota, quod granum triticeum quadam fissura in uno latere divisum esse videtur. Sic et Christus per viscerosam misericordiam patet omnibus, quantumcumque etiam peccatoribus, dummodo per veram poenitentiam redire velint ad ipsum. Unde Zachar. XIII, 1 : In die illa erit fons patens domui David, et habitantibus Jerusalem in ablutionem peccatoris, et menstruata . Per fontem istum intelligitur fons misericordiae Jesus Christus, qui licet semper patuerit peccatoribus, tamen spiritualiter apertus fuit ad emundationem criminum et sordium nostrarum,quando unus militum lancea latus ejus aperuit, et continuo exivit sanguis, et aqua : sicut testatur Joan. XIX, 34.

Beatus quoque Laurentius patuit ad pauperes per largam pietatem : Dispersit enim thesauros Ecclesiae, et dedit pauperibus : unde justitia ejus manet in saeculum saeculi , coronata coram Domi- no. Ipse quippe sciens scriptum : ''Qui parce seminat, parce et metet : copiose seminavit, ut et copiose meteret.

Debemus et nos etiam cor et manus habere apertas per compassionem et misericordiae largitatem. Unde dicitur Proverb. XXXI, 20 : Manum suam aperuit inopi, et palmas suas extendit ad pauperem. Qui modo aperit cor et manum per compassionem et largitatem, certe ipsi aperientur portaae justitiae: sicut dicitur in Psal. cxvii, 19 : Aperite mihi portas justitiae, ingressus in eas confitebor Domino. Haec sunt verba pias animae.

IV. Quarto nota, quod granum frumenti virtulem habet confortativam. Sic et de Christo, qui est ille panis vivus qui de coelo descendit, dicitur in Ps. CIII, 15 : Panis cor hominis confirmet. Multi sunt, quorum animas nauseant super pane isto suavissimo, et propterea sicut foenum arescit cor ipsorum. Unde in Psal. CI, 5 : Percussus sum ut fanum, et aruit cor meum : qui oblitus sum comedere panem meum.

Beatus etiam Laurentius exemplo suas patientis quam habuit in tormentis, multos confortavit et confortat. Unde signatus est per illum panem similagineum, qui assus in craticula, oleoque conspersus olim Domino consuevit offerri, sicut habetur in Levit. ii, 7. Nam et ipse tamquam panis assatus fuit in craticula, ut debiles eo amplius confortaret.

Debemus etiam et nos virtutem habere triticeam, ut quilibet alterum et sanis verbis et bonis exemplis in omni servitio corroboret et confortet. Unde Dominus dixit ad Petrum, Luc. XXII, 32 : Ego rogavi pro te ut non deficiat fides tua : et tu aliquando conversus confirma fratres tuos. Hinc etiam dicit Apostolus ad Rom. xv, 1 : Debemus nos firmiores imbecillitates infirmorum sustinere. Hic vehemen- ter redarguendi sunt, quidissuadent proximis suis, ne aggrediantur viam salutis aeternae.

V. Quinto nota, quod inter caetera grana seminum dignius est granum tritici : unde de ipso fit panis nobilium ac principum. Sic etiam Christus vocatur frumentum electorum, Zach. IX, 17 : Quid bonum ejus est, et quid pulchrum ejus, nisi frumentum electorum, et vinum germinans virgines ? Quia igitur Christus adipe frumenti et militantem Jerusalem satiavit, et triumphantem : propter hoc dicit Glossa, quod " mos coepit Ecclesias " de hoc solo grano conficiendi corpus " Domini. "

Et certe Beatus Laurentius bene huic digno grano comparatur, quia multi principes ac nobiles ejus suffragia frequenter implorant.

Debemus, charissimi, etiam nosmetipsos, quasi panes triticeos, mensas Dei repraesentare, ut videlicet omnes Angelorum dignitates, sive sint Potestates, vel Principatus, ac Dominationes, propter nostram poenitentiam et salutem coram Dei Filio gaudeant et laetentur.

II et III.

De secundo et tertio nota, quod Christus, qui granum frumenti appellatur, quia mortuus fuit in Passione, multum fructum Deo Patri attulit in Ascensione, et quotidie affert in peccatorum conversione.

Beatus etiam Laurentius, quia mortuus fuit in constantia fidei, multum fructum gaudiorum invenit in praesentia dulcis Jesu.

Unde, charissimi, bonum est, ut nos vitiis et concupiscentiis hujus mundi quo-

tidie moriamur, ut et nos animabus no stris fructum aeternae beatitudinis afferre mereamur. Quod, etc.