SERMO XXII.

IN FESTO BEATI PETRI

APOSTOLI.

Beatus es Simon Bar Jona : quia caro et sanguis non revelavit tibi, sed Pater meus qui in coelis est. Et ego dico tibi, quia tu es Petras, et super hanc petram cedificabo Ecclesiam meam. Matth. XVI, 17 et 18.

Nota, quod in praesenti Evangelio Dominus B. Petrum principem Apostolorum beatificat, et commendat, et in hac commendatione appellat eum Simonem Bar Jona, et Petrum. Simon autem interpretatur obediens, Barjona filius columbis, et Petrus dicitur firmus.

I.

De primo nota, quod appellat eum Simonem, idest, obedientem, propter duo : videlicet Dominicae jussionis exsecutionem, et propter Angelicae monitionis adimpletionem.

1 De exsecutione Dominicae jussionis dicitur in Matth. IV,18, et seq., quodam-bulans Jesus juxta mare Galilae, vidit duos fratres, Simonem, qui vocatur Petrus, et Andream fratrem ejus, mittentes rete in mare. Et ait illis: Venite post me, et faciam vos fieri piscatores hominum. At illi continuo, relictis retibus, secuti sunt eum.

Nos etiam, charissimi, hujus Beati Simonis imitatione triplex rete relinquere debemus, et venire post Dominum.

Primum est rete superbia?. De hoc dicitur Habacuc I, 13 et 15 : Quare, Domine,taces devorante impio justiorem se ?.., Totum in hamo sublevavit, traxit illud in sagena sua, et congregavit in rete suum. Superbia enim rete est diaboli, per quam tamen ipse primum cecidit : et licet per eam cecidit, tamen adhuc per ipsam trahit in sublimi residentes.

Secundum est rete avaritiae. De hoc dicitur, Isa. XIX, 4 et 8 : Tradam, inquit Dominus, aegyplum in manu dominorum crudelium... Moerebunt piscatores, et expandentes rete super faciem aquarum, emarcescent. aegyptus est mundus iste, qui in die judicii tradetur in manus dominorum crudelium, idest, daemonum : daemones enim tunc desaevient in homines hujus mundi. Et tunc piscatores, id est, avari, qui rete avaritias expanderant super faciem orbis, emarcescent, cum penuria inciderit omnis boni.

Tertium est rete luxurias. De hoc dicitur, Prov. vii, 6 et seq. pas.: De fenestra domus meae per cancellos prospexi, et considero vecordem juvenem, qui transit per plateas... Et ecce mulier occurrit illi ornatu meretricio praeparata ad capiendas animas. Et infra : Irretivit eum multis sermonibus, et blanditiis labiorum protraxit illum. Statim eam sequitur quasi bos ductus ad victimam, et quasi agnus lasciviens, et ignorans quod ad vincula stultus trahatur, donec tranfigat sagita jecur ejus. Sagitta, secundum Glossam, est sententia judicis, qua corda luxuriosorum in die judicii transfigentur.

2. De adimpletione admonitionis Angelicas legitur in Actibus Apostolorum, xii, 6, et seq., ubi dicitur, quod cum Petrus Apostolus Jerosolymam missus esset in carcerem Herodianum, et nocte inter duos milites dormiret vinctus catenis duabus:... ecce Angelus Domini adstitit: et lumen refulsit in habitaculo : percussoque latere Petri, excitavit eum, dicens: Surge velociter. Et ceciderunt catenae de manibus ejus. Et addidit Angelus : Praecingere,et calcea te caligasluas... Circumda tibi vestimentum tuum , et sequere me. Et dicitur ibi, quod Petrus ita fecerit. Nota, quod per Herodem, qui interpretatur pellibus glorians, diabolus significatur. Ipse enim de pellibus suis, id est, nequitia et versutia sua gloriatur. Per Petrum vero

in loco isto peccator quilibet designatur, quem Herodes, id est, diabolus in carcere criminalium peccatorum sua forti custodia detinet alligatum. Per Angelum vero divina gratia figuratur, quae venit cum lumine, id est, vera recognitione sui affertur peccatori, quae etiam tangit latus peccatoris, id est, cum compunctione eum recordari facit, quod propter ipsum lancea percussum fuerit latus sui Salvatoris.

Et nota, quod sicut Petrus Angelo obedivit in liberatione sua corporali: ita necesse est ut nos peccatores gratias Dei obediamus in liberatione nostra spirituali. Ad hoc autem, sicut probari potest ex praemissis, quinque requiruntur.

Primum est, ut velociter surgamus e strato foedas ac criminosas voluptatis. Qui enim non surrexerit de lecto transitorias delectationis, mittetur in lectum asternae tribulationis. Unde de Jezabel, quas interpretatur sterquilinium, et signat carnis voluptatem, dicitur Apoc, ii, 22 : Ecce mittam eam in lectum : et qui moechantur cum ea, in tribulatione maxima erunt.

Secundum est, ut praecingamur cingulo castitatis. Qui enim non fuerit praecinctus cingulo castitatis, accingetur funibus asperrimis sub pressura perpetuas foeditatis. Unde dicitur in Job, xii, 18 : Balteum regum dissolvit, et praecinget fune renes eorum. Per balteum intelligitur gloria temporalis, quae in his, si male seipsos rexerunt, dissolvetur, et quorum renes fune aeternae asperitatis accingentur.

Tertium est, ut pedes nostrorum affectuum calceis, id est, exemplis Sanctorum muniamus. Qui enim pedes animas suas non calceaverit exemplis Sanctorum, mordebitur morsu vermium et scorpionum, et lacerabitur dentibus infernalium bestiarum. Unde Eccli, XXXIX, 35 et 36 : Omnia haec ad vindictam creata sunt : bestiarum dentes, scorpii, et serpentes.

Quartum est, ut nos charitatis pallio vestiamus. Qui enim veste charitatis non fuerit coopertus, a convivio Domini eje- ctus aeternae confusioni subjacebit. Unde Apoc. iii, 18 : Suadeo tibi ut vestimentis albis induaris, et non appareat confusio nuditatis tum. Hinc etiam dicit I Pet. IV, 8 : Charitas operit multitudinem peccatorum.

Quintum est, ut gratiam Domini sequamur ducentem nos per viam poenitentiae, per viam justitiae, et per viam patientiae. Ha?c enim tria sunt nobis necessaria, ut videlicet per poenitentiam ea quoe male gessimus, in nobismetipsis puniamus, ut per justitiam in bono opere deinceps persistamus, et ut per patientiam quidquid nobis adversi contigerit, sustineamus.

II.

De secundo nota, quod Petrus a Domino Barjona appellatur. Barjona vero interpretatur filius columbas, id est, Spiritus sancti. Fuit igitur Petrus filius columbas, hoc est, Spiritus sancti per veram fidei confessionem, et per sinceram Domini dilectionem.

Veram fidem professus fuit, Matth. XVI, 16, ubi dicit ad Dominum : Tu es Christus, Filius Dei vivi. Haec verba exposita sunt supra in festo Cathedras S. Petri .

Quod etiam sincere Dominum dilexerit, patet in Joan XXI, 15, et seq., ubi cum Dominus ter a Petro requireret an eum diligeret, respondit etiam ter Petrus : Domine, tu scis quia amo te. Quasi diceret: Amo te ex omni cordis cogita- tione, ex omni oris locutione, ex omni operis exhibitione. Quia igitur, charissimi, impossibile est sine fide, et sine charitate Deo placere : debemus ipsum, ut veram fidem et charitatem perfectam nobis tribuat, jugiter implorare.

III.

De tertio nota, quod Dominus principalem Apostolorum appellavit Petrum. Petrus autem idem est quod firmus. Et vero ipse firmus fuit et constans per sententiam districta? animadversionis, et per fortem tolerantiam Iudaica? persecutionis, et Neronianae? passionis.

Firmus igitur et constans fuit Petrus in sententia justa? animadversionis, quam protulit contra Ananiam et Saphiram, qui sub verbis increpationis ejus cadentes in terram exspiraverunt. Fortem etiam sententiam protulit contra Simonem magnum, dicens ei: ''Pecunia tua tecum sit in perditionem '.''

Firmus eliam fuit in tolerantia Judaicae? persecutionis. ''Ibat enim Petrus ac alii Apostoli gaudentes a conspectu concilii, quoniam digni habili sunt pro nomine Jesu contumeliam pati . Fortiter etiam tandem passionem martyrii toleravit.

Rogate ergo, charissimi, Dominum, ut sic Beatum Petrum in omnibus imitemur, ut ipsi in regno Deo jugiter colla?temur. Quod, etc.