SERMO XXXI.

DE ASSUMPTIONE

B. MARITAE VIRG.

Intravit Jesus in quoddam castellum: et mulier quosdam Martha nomine excepit illum in domum suam,et huic erat soror nomine Maria. Luc. x, 38 et 39.

In praesenti Evangelio quod consuevit legi de Assumptione gloriosae Virg. Mariae, tria principaliter hic notanda :

I. Quid per castellum quod Christus intravit, exprimatur ? II. Quid per Martham et Mariam sororem ejus intelligatur ? III. Quam recompensationem Dominus Marthae negotio, et Mariae otio largiatur?

I.

De primo nota, quod per castellum intelligitur mundus iste. De isto castello dicit Matth. XXI, 1 et 2 : Misit Jesus duos Discipulos, dicens eis:j Ite in castellum, quod contra vos est, et statim invenietis asinam alligatam, et pullum cum eo : solvite, et adducite mihi. Per asinum intelliguntur peccatores, qui ad prava exempla senum recenter in peccata deciderunt. Utrosque Dominus per duos discipulos, videlicet timorem et amorem vocat :

quia Dominus opera eorum, id est, prenitentiam desiderat, ut dicit Lucas.

Et nota, quod in tribus locis, videlicet in Matth.' XXI, 2, et in Marc, et XI, 2, Luc. XIX, 30, hoc castellum dicitur contra nos esse. Triplici enim hoste impugnat nos mundus iste, videlicet carnis petulantia, oculorum concupiscentia, et vitas superbia : sicut testatur I Joan. ii, 16 : Omne, quod est in mundo, concupiscentia carnis est, et concupiscentia oculorum, et superbia vitm. Et bene mundus iste dicitur castellum diminutivo vocabulo : fragilis enim est et caducus. Unde I Joan. ii, 17 : Mundus transibit, et concupiscentia ejus. Notabile etiam est, quod Matthaeus, Marcus, et Lucas dicunt pullum adductum. Solus Matthaeus scribit etiam asinam adductam. Per hoc innuitur, quod rarius et difficilius senes converti possunt quam juvenes.

In hoc castellum Dei Filius venire voluit, ut homines hujus castelli Deo Patri per suum sanguinem reconciliaret. Unde ad Colos. I, 19 et 20 : Deo Patri complacuit per Christum Jesum reconciliari omnia in ipsum,pacificans per sanguinem crucis ejus, sive quae in terris sive quae in coelis sunt. Item, ad Roman. v, 10 : Si cum inimici essemus, reconciliati sumus Deo per mortem Filii ejus: multo magis reconciliati, salvi erimus in vita ipsius.

II.

De secundo nota, quod per has duas sorores, Martham et Mariam, exprimuntur caro et anima intemeratae Virginis Marias. Caro enim ejus gerit figuram Marthas. Legitur namque de Martha, quod Jesus cum in quoddam castellum intraret, accipit illum in domum suam. Sic et caro Beatas Virginis, cum Jesus per incarnationem mundum intrare voluit, excepit illum in domum uteri mundi et fecundi. Quod autem uterus Beatas Virginis fuerit facundus et mundus, testatur ipse Filius Dei, ita dicens in Cant, VII, 2 : Filia principis, venter tuus sicut acervus tritici, vallatus liliis. Acervus tritici: ecce copiosa fecunditas. Vallatus liliis : ecce munda virginitas.

Excepit autem hac Martha, id est, caro Beatas Virginis Jesum: excepit, inquam, id est, ex omnibus aliis cepit. Unde Beata Virgo dicit in Cant. v, 10 : Dilectu? meus candidus et rubicundus, electus ex millibus. Nolebat enim concipere alium, nisi solum Dei Filium. Item, excepit, id est, ex se sola cepit. Non enim ex sermonibus, sed ex solo sanguine Virginis conceptus Dei Filius.

Hasc etiam Martha, id est caro Beatas Virginis, satagebat circa frequens ministerium '. Unde et Luc. I,38 : Cum annuntiasset Angelus Marias, quod conceptura esset Jesum, respondit: Ecce ancilla Domini, fiat mihi secundum verbum tuum, etc. Et vere ista beata ancilla satagebat secundum carnem circa frequens ministerium. Ipsa enim, sicut Lucas ait, I, 39, 40, 56, intellecta conceptione prascursoris Domini, exsurgens abiit in montana cum festinatione... Et intravit in domumZacharia, et salutavit Elisabeth... Et in mansit cum illa quasi mensibus tribus, et ministravit ei : ita ut etiam forte obstetricis officium gereret. Nam ipsa, sicut legitur in libro Justorum, praecursorem Domini natum primo levavit a terra. Postea haec benedicta ancilla, cum impleti essent dies ejus, ut pareret, peperit filium suum primogenitum, et pannis eum involvit, et reclinavit in praesepio: quia non erat ei alius locus in diversorio . Lactavit etiam eum ubere de coelo pleno. Posthac die quadragesimo, ut dicit Luc. ii, 22 : Cum impleti essent dies purgationis ejus secundum legem Moysi, tulit filium suum in Jerusalem cum hostiis, ut sisteret eum Domino. Deinde, ut dicit Matth. II, 13 et 14, ad admonitionem Angeli fugit in aegyptum cum filio suo, ibique Dominum septem annis in multa paupertate educavit. Demum reversa est Nazareth, ibique multa sollicitudine puerulum enutrivit. Maritum quippe suum, id est, Beatum Joseph, qui quasi erat maritus Beatae Mariae, misit ad fortia opera. Ipse enim eratfaber lignarius, et digiti ejus apprehenderunt fusum, ut se et filium enutriret, ut dicitur Proverb.XXXI, 19. Ecce Martha satagens circa frequens ministerium Jesu Christi.

Per Mariam vero anima Beatas Virginis figuratur, quas coram se in contemplatione divinitatis suspenderat. Unde dicitur sedisse secus pedes Domini, et audisse verbum illius . In sessione notatur quietae contemplationis suavitas. Per pedes vero Domini, intelligitur misericordia et veritas divina : per has enim divinitas inducta humanitatem assumpsit. Et certe secus hos pedes Domini sedens anima Beatas Virginis audiebat verbum illius, id est, auscultabat suavissimam harmoniam verbi illius quod erat in

principio apud Deum. De praedictis pedibus Domini dicitur in Psal. lxxxviii, 15 et 16 : Misericordia et veritas praecedent faciem tuam : Beatus populus, qui scit jubilationem.

Igitur anima Beatas Virginis tam avida inseparabilitate Christi divinitatem contemplante, poterat dicere caro ejusdem Virginis : Domine, non est tibi curae quod soror mea reliquit me solam ministrare ? dic ergo illi, ut me adjuvet, id est, ut mecum circa tuae humanitatis ministeria sollicitetur : cui respondit Dominus : Martha, Martha, sollicita es, et turbaris erga plurima . Quasi dicat : 0 caro matris meas, sollicita es naturalibus affectibus circa meam educationem et sustentationem, et. turbaris erga plurima, quas patior et patiar propter Judaicam persecutionem. Turbaris enim propter multas calumnias et opprobria, quas patior, et patiar a Scribis et Pharisaeis et principibus Sacerdotum. Turbaris etiam, quod capiar, et colaphis et alapis feriar, et sputis inquinabor. Turbaberis etiam, quia flagellabor, et spinis coronabor, et cruci clavis affixus felle et aceto potabor, et ab irridentibus subsannabor, et postmodum lancea perforabor. Propter haec, inquam, et multa alia turbaberis.

Porro unum est necessarium, Glossa, " Deo jugiter inhaerere. " Unde Maria, id est, soror tua anima, optimam partem elegit, quas non auferetur ab ea . Quasi dicat : 0 caro materna, bona et valde bona est pars tua. Me etenim verum Deum et hominem concepisti, et in ute ro tuo novem mensibus bajulasti, et demum terris edidisti, et in sinu tuo fovisti: sed soror tua anima optimam partem elegit, quae non auferetur ab ea. ''Ipsa quippe mea divinitate semper fruebatur in terris per gratiam, semper etiam fruetur in coelis per gloriam.

III.

De tertio nota, quod hodie Dominus noster Jesus Christus ut matris ministeria recompensaret, excepit eam et ipse in domum suam , quam sibi praeparaverat ab aeterno. Creditur enim a pluribus Sanctis, quod Dominus matrem suam et corpore et amina assumpserit super omnes ordines Angelorum. Excepit ergo eam, id est, excellentius omnibus Angelis et aliis Sanctis suscepit. Et vere dignum fuit, quod ille qui praeceperat Exod. xx, 12 : Honora patrem tuum et matrem tuam, ut sis longaevus super terram, scilicet viventium, ut et ipse corpus matris suae speciali praerogativa honoraret.

Igitur de domo illa, in quam corpore et anima assumpta est Beata Virgo Maria, legitur in II Paral. VIII, 11 : Transtulit Rex Salomon filiam Pharaonis de civitate David in domum, quam aedificaverat ei. Salomon interpretatur pacificus, vel retributor, et signat Filium Dei, qui est summe dulcis et pacificus cum electis suis in gloria, qui etiam aeterna supplicia retribuit peccatoribus pro suis criminibus et delictis. Pharao interpretatur dissipans virum, et signat Deum excelsum, qui viros, id est, eos qui confidunt in virtute sua, quam cito voluerit, dissipat, et tamquam vas figuli confringet eos. Hujus filia fuit et est Beata Maria. Per civitatem vero David intelligitur militans Ecclesia, de qua dicitur in Cant. IV, 4 : Sicut turris David collum tuum, quae aedificata est cum propugnaculis : mille clypei pendent ex ea, omnis armatura fortium. Sicut enim collum unitur capiti, sic etiam sancta militans Ecclesia unitur Christo capiti per fidem et chari- tatem. Et certe in hac Ecclesia pendent mille clypei, et omnis armatura fortium, videlicet, exempla sanctorum Patriarcharum, Prophetarum, Apostolorum, Martyrum, Confessorum, Virginum, et omnium electorum, quibus quisque fidelis existens in Ecclesia contra insultus daemonum protegitur et armatur.

Igitur verus Salomon, videlicet Dei Filius, transtulit hodie B. Mariam sororem suam matrem et sponsam de civitate David, hoc est, de Ecclesia militante in domum speciosissimam, opulentissimam, quietissimum, ac eminentissimam, utpote super omnes Angelorum ordines fabricatam. Et vere decebat, ut illa quas erat virtutum decore speciosissima, et bonis operibus opulentissima, et pace cordis quietissima, necnon et divina contemplatione eminentissima, talem domum inveniret.

Nota de praedicta domo, in quam Rex Reginam dicitur transtulisse, quod erat, sicut Magister dicit in Historiis, marmore, cedro, argento, et auro opulentissimo decorata. Per aurum intelligitur inaetimabilis charitas, per argentum mundissima virginitas, per cedrum ancillaris humilitas, per marmorem martyrii asperitas : per quas Beata Virgo, licet quamplurimis aliis virtutibus suffulta fuisset, spiritualiter transferri meruit in domum sibi a Deo mirifice praeparalam. Per aurum igitur quod omni metallo est nobilius, intelligitur inaestimabilis charitas Beatas Virginis. Creditur enim charitate etiam Seraphim transcendisse. Per argentum quod clarum est, et tumulum, figuratur mundissima virginitas Beatas Marias, quod a virginibus cantatur ante sedem Dei et Agni. Per cedrum quas altior est aliis omnibus arboribus, intelligitur ancillaris humilitas Beatas Virginis, per quam super omnem creaturam Dei

celestem ac terrestrem meruit exaltari. Per marmor quod serram patitur, et quandoque rubeis maculis est respersum, notatur martyrii asperitas, quae erat in visceribus et corde Beatae Mariae. Unde dixerat ei Simeon. Luc. ii, 35 : Tuam ipsius animam pertransibit gladius. Hieronymus : " Constat quod alii Sancti, " etsi passi sunt pro Christo in carne : " tamen in anima, quia immortalis est,

"pati non potuerunt. Beata vero Dei " genitrix, quia in ea parte passa est, " quae impassibilis habetur, ideo, ut ita "fatear, quia spiritualiter et atrocius " passa est gladio Passionis Christi, plus " quam martyr fuit. "

Rogate ergo Dominum, ut sic gloriosas Matri ejus in hac vita serviamus, ut claritatem ejus in patria videamus. Quod,etc.