SERMO XLIX.

DE BEATA CAECILIA.

Simile est regnum coetorum thesauro abscondito in agro : quem qui invenit homo, abscondit, et proe gaudio illius vadit, et vendit universa quae habet, et emit agrum illum. Matth. xiii, 44.

In verbis praemissis tria principaliter sunt notanda :

I. Quid per agrum in quo thesaurus absconditus est, intelligi detur ? II. Quid per thesaurum absconditum figuretur? III. Quid per agri thesaurum continens operetur ?

I.

De primo nota : Per agrum regnum coriorum intelligitur, et propter quatuor. In agro quippe ovium pastus invenitur, et cantus avium auditur. In agro etiam est aeris puritas, et florum amoenitas.

1. Primo igitur regnum coelorum agro comparatur, quia oves in agrum ad pas- sturn educuntur. Per oves intelliguntur electi qui pascua vitae aeternae, ductore Jesu summo pastore, in regno coetorum et quaesierunt et invenerunt. Unde ipse dicit, Joan. x, 11, 27 et 28 : Ego sum pastor bonus... Oves meas vocem meam audiunt, et ego cognosco eas, et sequuntur me : et ego vitam aetemam do eis. Ecce bona pascua, videlicet vita aeterna. Et nota, quod pascua hujus agri benedicti valde sunt commendabilia : non enim generant aliquod mortis periculum, cum sit in eis vita aeterna (ut dictum est),

nec gravant stomachum, nec hebetant sensum, nec pariunt aliquod sui fastidium. Unde dicit Anselmus in libro de Beata sufficientia : " 0 patria coelestis " plena deliciis, plena suavitate, plena

"decore : esca tua non gravat stomati chum, nec hebetat sensum, nec gignit

" fastidium. Ista refectio quae tuis civi-" bus apponitur, melliflua in gustu : hoc "unusquisque sapit in quo fuerit dele" catus. "

2. Item regnum Dei agro comparatur, quia ibi voces avium audiuntur. Per aves intelliguntur animae beatorum, quae duabus alis, videlicet per dilectionem Dei, et proximi, vel alis innocentiae et poenitentia? de laqueo venantium, id est, daemoniorum, volaverunt ad regna polorum, ubi certe magnifico liberatori magnifice gratias agunt, sicut dicitur II Mach. I, 11 : De magnis periculis a Deo liberati, magnifice gratias agimus ipsi De cantu istarum avium, id est, animarum sanctarum, dicitur, Apoc. XIV, 2 et 3 : Vocem, quam audivi, sicut dtharoedorum citharizantium in citharis suis. Et cantabant quasi canticum novum ante sedem Dei. Dignum est, ut animae a Deo per gloriam innovata? cantent. De hoc cantu dicitur in Ps. lxxxiii, 5 : Beati, qui habitant in domo tua Domine : in saecula saeculorum laudabunt te. Quam dulcis sit harmonia illius cantus, ubi Angeli et anima? sancta? simul decantant laudem Dei,non potest sermo alicujus mortalis hominis sufficienter explicare.

3. Tertio regnum Dei comparatur agro propter aeris puritatem. Cloaca? quippe et alia? sordium congregationes longa? sunt ab agro remota?. Igitur cum regnum Dei ab omnibus hujus mundi corruptionibus longe sit remotum, et cum etiam ibi nihil corrumpatur : et pra?terea cura super ipsum aerem quem hic spiramus, immensurabiliter sit elevatum, constat quia ibi est magna serenitas ac inaestimabilis puritas. Unde dicit Joannes in Apoc. XXI, 23 : Civitas illa non eget sole, neque luna, ut luceant in ea : nam claritas Dei illuminavit eam, et lucerna ejus est Agnus. Odor igitur uniuscujusque electi qui ibi erit, erit sicut odor agri pleni, cui benedixit Dominus. Unde et Isaac per quem Christus intelligitur, dixit ad Jacob per quem quilibet electus figuratur, Gen. xxvii, 27 : Ecce, inquit, odor filii mei sicut odor agri pleni, cui benedixit Dominus.

4. Quarto regnum Dei comparatur agro propter florum amoenitatem. In agro namque diversi flores inveniuntur. Ita et in regno Christi diversitas est florum. Ibi ipse Jesus flos est pulcherrimus. Ipse enim est speciosus forma prae filiis hominum . Unde et seipsum florem appellat in Cant. II, 1: Ego, inquit, flos campi, et Ulium convallium. Ib i etiam intemerata Virgo Maria flos est multa? pulchritudinis et suavitatis. Ibi singuli Martyres rubent ut rosa?. Ibi singuli Confessores vernant ut viola?. Ibi singula? Virgines candent ut lilia.

Ibi Beata Ca?cilia defert aureolam, id est, quoddam sertum ex triplici flore consertum, videlicet lilio, rosa, et viola. Lilium defert, quia virgo munda fuit. Rosam portat, quia pro Christo passa fuit. Violam etiam gestat, quia duos fratres Tiburtium et Valerianum, et plures alios ad Dominum convertit. Unde etiam legitur, quod Beata? Ca?cilia? adhuc in terris existenti, Angelus Domini coronam de coelis attulit ex floribus odoriferis delicatissime pra?paratam.

Et nota, quod contra ha?c quatuor qua? sunt in coelesti patria, quatuor alia? sunt in valle gehenna?.

1. Sicut enim in coelo sunt pascua uberrima, ita in inferno et fames aeterna. Tanta enim est ibi fames, quod damnati, si possent, libenter proprias linguas manducarent, et filios et filias suas vorarent, unde dicitur in Apoc. XVI, 10 : Commanducaverunt linguas suas prae dolore, famis scilicet et angustiis. Item dicit Dominus, Jerem. XIX, 9 : Cibabo eos carnibus filiorum suorum, et carnibus filiarum suarum : et unusquisque carnem amici sui comedet in obsidione, et in angustia, in qua concludent eos inimici eorum. Haec verba sic intellige, quod si possibile esset, unusquisque in infernali obsidione propter famis angustiam filios suos ac filias comederet et amicos olim charissimos.

2. Item, sicut in coelo omnis est jucunditas, ita et e converso in inferno miseria est multiplicitas. Ibi est fletus propter poenarum acerbitatem. Ibi est planctus propter cruciatuum diversitatem. Ibi est ululatus propter suppliciorum interminabilitatem. Unde nihil restat eis, nisi clamor miserrimus. Vae nobis, inquiunt, quia peccavimus, sicut dicitur in Thren. v, 16.

3. Item, sicut in coelo est jugis serenitas et aeris puritas, ita e contrario in gehenna foetoris ac corruptionis est immensitas. Unde dicitur in Jerem. IX, 22 : Cadet morticinum hominis quasi stercus super faciem regionis. Quilibet damnatus erit quasi putridum morticinum : quomodo ergo ibi posset esse liquidus et purus aer, ubi tot foetida morticina sunt congregata ?

4. Item, sicut in coelo florum est suavitas, ita in inferno erit spinarum et tribulorum pungitiva asperitas. Unde dicitur Isa. XXXIV, 13 : Orientur in domibus ejus spinas, et urticae, et paliurus. Per spinas et urticas et paliurum notantur omnia gehennalia incommoda, quae erunt innumerabilia.

II

De secundo nota : Thesaurus qui in agro coeli dicitur absconditus, est Dei Filius. Ipse enim est thesaurus electorum suorum pretiosus et indeficiens. De isto thesauro dicitur, Jerem. xli, 8, quod cum quidam Ismahel plures Judaeorum occidisset, reperti sunt decem viri, qui dixerunt : Nolite occidere nos : quia habemus thesauros in agro, frumenti, et hordei, et olei, et mellis. Et legitur, quod non interfecit eos. Ismahel interpretatur assumens exauditionem Dei, et significat diabolum, qui peccatoribus sibi servientibus hoc damnum facit, quod reddat eos indignos exauditione divina. Iste occidet omnes qui non habuerunt thesaurum frumenti, hordei, olei et mellis.

Per istum vero thesaurum Dei Filius exprimitur. 1. Ipse enim est thesaurus frumenti per mundam humanitatem. 2. Ipse est thesaurus hordei per Passionis asperitatem. 3. Ipse etiam est thesaurus olei ac mellis per penetrativam et dulcem divinitatem.

1. Ipse, inquam, est thesaurus frumenti, id est, tritici per mundam humanitatem. Sicut enim ex frumento sive tritico mundus et albus panis conficitur, sic et sua humanitas munda fuit et immaculata ab omni peccato sive originali, sive actuali.

2. Ipse etiam est thesaurus hordei per Passionis asperitatem. Sicut enim hordeum acutas habet aristas, et tamen ex eo quaedam decoctio fit quae ptisana appellatur, et est potus febricitantium ac infirmorum : sic et Christus in Passione sua multos aculeos dolorum sustinuit, qui tamen per eamdem Passionem suam infirmos ac tribulationum aestum sustinentes, eximie reficit et consolatur.

3. Ipse nihilominus thesaurus est olei ac mellis. Sicut enim oleum penetrativum est "et illuminativum, et sicut mel dulce est ac conservativum : ita et Christus per divinitatem suam omnes sensus ac medullas electorum penetrabit ac illuminabit. Ipse etiam totam animam per semetipsum indulcorabit, et in beatitudine conservabit.

Illi decem qui propter hunc thesaurum vitae conservati fuerunt, significant eos qui decem praecepta Domini corde et opere adimplent : hos diabolus non potest occidere.

III.

I)e tertio nota : Ager ille in quo iste nobilissimus thesaurus habetur absconditus, id est, ab infidelium oculis occultatus, emendus est per omne id quod possidet Christianus (totum enim quod possidemus, debemus dare pro regno crebrum): qui si cognoscerent ejus the-

saurum Jesum Christum, omni acceptione dignum illud procul dubio judicarent. Beata Caecilia per Spiritum sanctum invenerat hunc thesaurum : unde et ipsa abiit per desiderium illius, et vendidit omnia quae habuit, et emit agrum istum, id est, regnum coelorum. Vendidit enim bona temporalia propter summum bonum, pauperibus ea largiter distribuendo. Vendidit delicias et voluptates hujus saeculi propter Christum, eas penitus contemnendo. " Cantantibus enim " organis Caecilia Domino decantabat, " dicens : Fiat cor meum et corpus meum " immaculatum, ut non confundar. > Vendidit etiam postremo corpus suum tenerrimum, durum martyrium pro Domino libentissime sustinendo.

Rogate, charissimi, Dominum, ut et nos agrum coelestem laboribus nostris ac eleemosynis ita in praesenti vita comparemus, ut ad possessionem ejus post hanc vitam pertingere mereamur. Quod, etc.