Acta Congregationum 545

Anno 1910 incepit Congregatio scholas regere et anno 1922 ab episcopo

dioecesano probata est. Deinde Serva Dei, cupiens charisma mercedarium

Sororibus suis fontem fieri liberationis afflatus atque stimulum in aposto-

licum munus implendum, adgregationem Ordini Mercedis postulavit, quam

anno 1925 concessa est.

Temporibus illis magno in discrimine societas Mexicana versabatur, quod

ad saevam contra fidem persecutionem duxerat. Luctibus, spoliationibus et

doloribus interdictum cultus externi cuiuslibet accessit. Serva Dei discri-

mina, offensas atque quaestiones coram revolutionis tribunali forti animo

sustinuit. Iniunxerunt immo ei magistratus, ut sacellum clauderetur et bona

Congregationis publicata essent. Ipsa tamen, forti ac prudenti animo, statuit

in tutum Congregationem servare. Filias suas renovatis missionibus plures

in populos peregre misit: Cubam scilicet, in Foederatas Americae Septen-

trionalis Civitates, Salvatoriam, Chiliam, Columbiam, Hispaniam, Italiam.

Titulus "Cum Maria in lumine Eucharistiae evangelizare", quo praesenti

tempore filiae Mariae a Refugio Aguilar y Torres utuntur, paucis bene se-

lectis verbis spiritalia lineamenta fundatricis peculiariter perstringit. Serva

Dei enim, funditus in fide radicata, vitam traxit ad munus apostolatus

persolvendum, reapse fratribus inserviendo, pueris praesertim et iuvenibus.

Cotidie cordis ostium patefaciebat, ut in solitudine versantibus vel necessariis

carentibus solacium atque auxilium praeberet. Signa tempora perscrutans,

percepit se a Domino vocatam, ut operam daret salutem pueris et iuve-

nibus adferendi causa: cum adolescentibus virtutes christianas suaderet,

sciebat renovationi humanae societatis se inter futuram esse. Clare perspexit

hominem ad laudem et ministerium Deo tribuendum creatum esse neque

graviorem esse servitutem quam haec nescire. Erga aegros humanissima, in

Eucharistia fontem veram non modo spiritus, sed etiam corporis salutem

agnoscit. Maria a Refugio adfirmabat centrum scientiarum omnium Deum,

sine quo vero sineve Beata Virgine Maria, ullam efficacem actionem ad

bonam disciplinam et integram libertatem favendam, ut humanitas in ca-

ritate fundata aedificaretur, non datur. Pro consilio hoc totam se tradidit.

Et temporum adversa valetudini Servae Dei obfuerunt, quae die 24

mensis Aprilis anno 1937 in Civitate Mexicana obiit.

Ob sanctitatis famam, a die 28 mensis Octobris anno 1982 ad diem 4

mensis Novembris anno 1993 apud Curiam Archiepiscopalem Mexicanam

Processus Ordinarius instructus est, cuius auctoritas et vis iuridica ab hac