436 Acta Apostolicae Sedis - Commentarium Officiale

Ad haec omnia perficienda praefatum Nuntium Apostolicum deputamus

vel, eo a sede absente, negotiorum Sanctae Sedis in Guinea Aequinoctiali

pro eo gerentem, necessarias et opportunas iisdem tribuentes facultates

etiam subdelegando ad effectum de quo agitur, quemlibet virum in ecclesias-

tica dignitate constitutum, onere imposito ad memoratam Congregationem,

cum primum fas erit, authenticum exemplar actus peractae exsecutionis

remittendi.

Deum quaesumus, ut, qui ex morte Filii sui praevisa immaculatam Vir-

ginem Matrem ab omni labe praeveniente gratia praeservavit immunem,

gregem hunc ex fidei incremento spei et solacii copiam carpere concedat

atque, sancti Ioseph intercessione et exemplo, fidelem servum ac pruden-

tem fieri caritatis.

Hanc denique Constitutionem Nostram iugiter ratam esse volumus, con-

trariis quibuslibet rebus non obstantibus.

Datum Romae, apud S. Petrum, die primo mensis Aprilis, anno Domini

bismillesimo decimo septimo, Pontificatus Nostri quinto.

petruS card. parolin Secretarius Status

Franciscus Di Felice , Proton. Apost.

Marcellus Piva , Proton. Apost.

Loco G Plumbi

In Secret. Status tab., n. 353.243