522 Acta Apostolicae Sedis - Commentarium Officiale

et interfectus est die 19 mensis Decembris anno 1936 in coemeterio loci

Montcada-Rexac.

P. Alexander a Barcinone (Iacobus Nàjera Gherna) Barcinone ortum

habuit die 25 mensis Iulii anno 1910. Professionem perpetuam declaravit die

27 mensis Iulii anno 1931. Presbyteratus ordine ornatus est die 11 mensis

Martii anno 1933. Tandem necatus est in coemeterio loci Montcada-Rexac

die 23 mensis Novembris anno 1936.

P. Tharsicius a Miralcamp (Iosephus Vilalta Saumell) natus est in loco

Miralcamp, Ilerdae, die 11 mensis Iunii anno 1912. Perpetua vota testatus

est die 14 mensis Martii anno 1935. Sacerdotii ordine est auctus die 20

mensis Aprilis anno 1935. Eius status religiosus detectus est, quapropter,

paulo post comprehensionem, Ilerdae occisus est nocte dierum 19 et 20 mensis Augusti anno 1936.

P. Vincentius a Besalù (Iulianus Gebrat Marcé) ad hanc vitam venit in loco Besalù, Gerundae, die 15 mensis Iunii anno 1880. Facta perpetua professione die 8 mensis Decembris anno 1899, ad presbyteratus ordinem pervenit die 28 mensis Martii anno 1903. Mane diei 23 mensis Augusti anno 1936 detentus est, et vespere eiusdem diei cruenta morte periit in via versus locum Les Planes a Sant Aniol.

P. Timotheus a Palafrugell (Iesus Miguel Girbau) ad vitam venit in loco Palafrugell, Gerundae, die 24 mensis Martii anno 1897. Vota religiosa in perpetuum professus est die 17 mensis Septembris anno 1916. Sacerdotalem ordinationem recepit die 20 mensis Decembris 1919. Detectus velut religiosus, in carcerem coniectus est et die 31 mensis Octobris anno 1936 interemptus.

Fr. Michael a Bianya (Pelagius Ayats Vergés) natus est die 23 mensis Augusti anno 1915 in oppido San Salvador de Bianya, Gerundae. Tempo- rariam emisit professionem die 25 mensis Augusti anno 1931. Perpetua vota profiteri non potuit nec presbyteratus ordine augeri, quia antea vir

quidam insectator propter odium necavit eum, unum et viginti aetatis annos

explentem, nempe die 29 mensis Iulii anno 1936. Fr. Georgius a Santa Pau (Manuel Collellmir Senties) ortus est in oppido

Santa Pau, Gerundae, die 7 mensis Iunii anno 1917. Temporaria professus est

vota die 29 mensis Augusti anno 1935; ac, post unius anni spatium vix elapsum, undeviginti annos natus, die 29 mensis Iulii anno 1936 tormentum mortis obivit.

Fr. Bonaventura ab Arroyo Cerezo (Thomas Dìaz Dìaz) natus est in loco

Arroyo Cerezo, Valentiae, die 7 mensis Martii anno 1913. Perpetuis votis Deo

se consecravit et ad minores ordines evectus est mense Maio anno 1936.