528 Acta Apostolicae Sedis - Commentarium Officiale

CRACOVIENSIS

Beatificationis et Canonizationis Ven. Servae Dei Clarae Ludovicae Szczęsna Confundatricis Congregationis Servularum Sacratissimi Cordis Iesu (1863-1916)

DECRETUM SUPER MIRACULO

Venerabilis Serva Dei Clara Ludovica Szczęsna in loco Cieszki, in Po- lonia, die 18 mensis Iulii anno 1863 e quadam frequenti familia est nata.

Post inopinatam matris mortem, Serva Dei, duodecim annos nata, haud

facile vixit tribulationis tempus. Pater voluit eam cogere, septemdecim

annos natam, ad matrimonium contrahendum. Illa tamen, vocationem ad

vitam consecratam sentiens, iuvenis paternam secreto reliquit domum at-

que admissionem rogavit in Congregationem Servularum Iesu. Anno 1889,

postquam religiosa vota nuncupavit, Lublinum veluti communitatis modera-

trix est missa. Legaliter vestificinam dirigebat; secreto tamen apostolatum

exercebat inter iuvenes laborem quaerentes. A militia regiminis Russiae

reperta, quod religioni catholicae fortiter adversabat usque ad catholicae

educationis prohibitionem, Venerabilis Serva Dei Lublinum relinquere de-

buit atque in Cracoviam transmigrare. Ibi, simul cum sancto Iosepho Se-

bastiano Pelczar, anno 1894, vitam dedit novae Congregationi, appellatae

«Servulae Sacratissimi Cordis Iesu». Sub eius moderamine Institutum brevi

crevit tempore quoad numerum tam religiosarum quam communitatum

atque, ab anno 1905, assistentiam etiam praestare coepit Polonis qui in

Francogalliam migraverant. Serva Dei non solum humanis eminuit dotibus,

sed potissimum alta spiritali vita. Cracoviae die 7 mensis Februarii anno

1916 pie in Domino obdormivit.

Summus Pontifex Benedictus XVI die 20 mensis Decembris anno 2012

edixit Servam Dei virtutes theologales, cardinales iisque adnexas heroicum

in modum exercuisse.

Beatificationi eius prospiciens, Postulatio Causae examini huius Con-

gregationis de Causis Sanctorum coniectam miram sanationem subiecit

alicuius adulescentis a violenti vulnere capitis, quae evenit Cracoviae anno

2001. Die 11 mensis Martii huius anni adulescens duodecim annos natus,

dum viam transiret, ab autoraeda est percussus. Gravi laesus est vulnere

capitis quod postea coma secutum est. In valetudinario nullum signum

reactionis ad stimulos dabat. Etiamsi curas necessarias statim accepit,